d Liäbi

chömi bi de meischte Männsche

nid an erschter Schtell

und au nid a zweiter Schtell

sondern wiiht hine

öppe ufem vierzähte Plazz

di meischte Männsche

erläbid d Liäbi

warrschinnli gar nihd

oder sicher nur churzz

und was nachär chunnt

isch Gwonet

und Resignazziohn

und es sich Abfinde

mittem Unvermihdliche

und ere Situazziohn

womer nüme cha verändere

d Liäbi

segi aber

s Wichtigscht

d Liäbi

segi verbunde

mittem Erchäne

mittem Tänke

mitte Kreativitäht

d Liäbi

segi mittem richtige Läbe verbunde

und wär d Liäbi nid hebi

demm fähli s Elementahrschte

däh läbi nihd

mitt demm segi nüht lohs

däh segi nur en Robotter

nur en läbige Liichnahm

es segi soh

und drumm

hebi är

au so grossi Schwirigkeite

mit de Mänsche

är verträgi nur ganz wenig Mänsche

är verträgi nur Liebendi

nur grossi Liebendi

grossi Mitteilendi