Dienstag, 10. April 2018


mer mössti es Gedicht mache

für ali wo falsch läbed

schtell dir vohr

mer mössti Vohrstellige

vom Läbe uufrächt erhalte

aber wiä wotsch dahs mache

mitt wass für Wohrte

und wass für Bilder

und vo wasfüreme Läbe dänn

vo welem Läbe wellimer

Vohrschtellige uufrächt erhalte

vo demm uhfgschwullne Läbe

vo demm pompöse Läbe

wo dah gläppt wärdi

segis jedäfalls nid nöhtig

vill dichterische Uufwand z betriibe

mer mössti lang sueche

bismer sones Läbe finde wühr

aber dänkbahr isches ja

dases sones Läbe gitt

ummöglich isches nihd

was isch

iezz lohs

was isch

iezz scho

wider lohs

Samstag, 31. März 2018


är hebi es Gedicht gmacht

wonen färtige Blödsinn segi

es segi wiä binere Schachpartih

au deht machi är hüüfig

nüht als grossi Tummheite

aber er höri doch niä uhf

är machi jezz schon meh als zäh Jaar

bi de Bärner Winttermeischterschafte mitt

und klassieri sich immer im Mittelfäld

mängmahl sogar im obere Mittelfäld

zmizzt under de Fanattiker

und de Profis uf zäh Parttiä

chömm ei würklich gueti Partih

Freitag, 30. März 2018



furrt furrt

mer mönd dahs ales furrtrüere

wäner iezz berüemt worde wär

chönntidmer mit all demm

es Museumm iirichte

aber er isch nid berüemt worde

und es isch ales nurr Grümpel

lueg däh Schtaub wo uf alem liht

aus dahs Teiggmänndli isch ganz grau

wass Teiggmännli

jah es Männdli us Teigg lueg

es chliises es schtaht deht

aaglehnt at Büecher

vo woh hätter ächt dahs

währ hätt dahs pache

es gseht na luschtig uus

mitt denä ticke uusgschtreckte ärm

vo wemm hätters ächt

hätt imm ächt dahs öpper gschänkt

es isch uf jedäfall uhralt

härt we Schtei

was selled mer iezz mache

mer ghejezz au furtt

mer chönzz doch nid bhalte

hämmer na Margge für d Chüderseck

mer chönd nüht mache

mer mönd das ales de Abfuer mittgäh

es wott dahs doch niämärt me

au diä zwei Eier

häsch diä Eier scho gseh

lueg emal diä Eier

wäh

wäh

äbäwäbäwäh

sinder dah

oder händer grad

Summerpause

nei mer sind dah

chasch choh

chomm nur verbii