es gebi es Liäd

das heissi

wäni nume wüsst wos Vogellisi wär

und är schtudieri mängmal a demm Liäd ume

es wärdi offebahr vo eim gsunge

wos Vogellisi suechi

und nid findi

dahs segi liecht zgseh

aber dänn wärdis schwiriger

dänn wüssimer nid so rächt

wases mitt demm Vogellisi uf sich hebi

es chönnti sih

dases eifach es netts Meitli wär

wo Elisabeht Vogel heissi

es chönnti aber au sih

dases e Frau segi

wo Vogellisi heissi

willsi gärn vogli

und au scho mit villne gfogelt hebi

und däh wo dahs Liäd singi

segi demnach eine

wo gärn wür

mit de Vogellisi vogle