emal amene ahbig

segi si mittimm go schpazziäre

und ali hebid soh tah

we wänn öppis seehr wichtigs wür passiere

we wänns meh wär als nuren Schpazziergang

we wänn dah öppis passiere wür

wo scholang hetti sellä passiere

we wämerimm scho lang hetti selä hälffe

är chönis rückblickend nid verschtah

dasär sich damals nid meh kümmeret hebi

um ales wo um inn ume passiert segi

är hetti settig Schpazziergäng selä

untterschtüzze und diä zwei ermunttere

är wäri ja sehr froh gsi

wänär mit achzäni ihgfüert worde wäri

iezz hettid dä jung Mah grad zwei Fraue

chöne ahleite zwei Fraue mit vill Praxiss

dahs hetti selä passiere

aber är hebi dahs nid richtig mittüberchoh

är segi ja ganz uff sich sälber

konnzenntriert gsi und segi ja sälber

ihgfüert worde dah hebis für en andere

nid gnueg Plazz gha

däh Gümmnasiascht

segi sich sicher ganz verlohre vorchoh

imm segi är ganz glich gsih

är wunderi sich nur we däh Achzäjärig

bi ine hebi chöne läbe inere unnwarrschinnli

sexualisierte Attmosfähre hebi är niämärt gha

und au nid zeiggt daser öpper hetti wellä hah

är hetti öpper chöne cha es wär ganz liächt gsi

aber är hätt nid wellä oder soh tah

we wäner nid hetti welä

vilicht ischer verschrocke vo demm Sexx

oder vilicht hätt inn däh schtarch Sexx

apgschtosse und er isch gschädigett worde

amene Ohrt wonärs hetti selä besser hah

als diheime vilicht hätter am Abig

uff demm Schpazziergang vo all demm grett

aber offesichtlich händs kei Lösig gfunde

dänn es isch ales soh plibe

wes gsi isch

es hätt sich nüht veränderet

är wetti gärn

dahs Huus wideremal gseh