was wührdez ächt mache
wänn ine plötzli

en Gedanke chiem

s wär gfährlich

si wüsstet sich nid z hälfe

 

 

öberire
einä hinderejage

weli

öberire

einä hinderejage

würdi

öberire

einä hinderejage

chöni
so hebiz grett
so
und mängmahl
na vill wüeschter

 

sihettinn
chöne hürahte
häzzi gseit
wännsi hetti welä

griächischi Lüriker
hätter grüeft

Daktüloss

Schpondeioss

Trochaioss

Iamboss

und

Pindar

Pindar     

 

 

das isch iezz aber
underschti Schublade

häzzi grüeft

woner emahl öppis

echli Schpeziells

gseit hätt     

 

wänns doch nur en Tüfel gäbti
wänn doch nur en Tüfel chiem

und diä ali hole würdi
immerscho
heber dahs tänkt      

 

 

dä Tubel hebi warschinndli
gar nid verschtande

waser imm gschribe hebi

dä Tubel hebi sowiso emal gseit

er segi immer wansinnig beschäftiget

er chöni nüht läse

wo meh als drey Zihle hebi   

er mösi sich demit abfinde
mit dere unvohrschtellbare Tummheit   

 

es wäri daderzue
na z säge
dases so nid gaht    

 

es segid
eigetlich

gnaugnoh

kriminelli

organisazzione

hättergseit

erwüssidahs

erhebisgseh    

 

 

sis Läbe ischem plötzlich
wenes Wunder vorchoh

er hätt sichs nid chöne erchläre

es hätt ales irgendwiä gschtimmt

Ort, Ziit, Familiä, Pfadi, Lehrer,

Schtudium, di kattolisch Chile, Liechtattletik,

au wänn imm ales Gschpängschtisch

erschinä isch häzz gschtimmt

d Bruefswahl und sogar s Militär,

und vilicht au d Liäbäna, d Politik,

überahl hätter sich wunderbarerwiis

bewährt, so wenigschtens

häzz nach usse uhsgseh

für inn aber isches es Duremogle gsih,

e Schauspilerej, fascht scho en Betrug,

aber isch nid ales en Betrug,

hätter tänkt, hani nid immer

nur mit Betrüger z tue ghah,

mit Scharlatane.

Gömmer scho
Lömmer scho

Simmer scho

Hämmer scho

Wämmer scho    

 

 

lisisch Aragon
empfintsch dänn auso
schliichsch dur Paris
und beobachtisch d Gwafföre
untt di vile Badanschtalte
untt Frauemörder

 

gitz überhaupt öpper
wo würklich ahgnehm isch

und sich nid eifach nur verschtellt

er hebi s Gfühl

dass sich vili immer nur verschtellid

ganz bsunders au diä

wo imm als Ahgnehmschti erschiinid

 wenä
Göttin

heber grüeft

wenä

Göttin     

 

vomm
summer

sibezg

biszumm

summer

zweiesibezg

segiz

zämexih

 

we isch dahs möglich
dasmer soh wäggchunnt

vo all demm

wägg

und doch nid

wägg  

 

 

seledmer ächt
de Archipelagus
it Mundart überseeze
i öisne schlaflose Nächt
wer würdi das wohl läse     

 

 

Chömed d Chraniche widder zrugg zu dir
und sueched zu dine Ufer widder d Schiff iren Lauf
und umatmed erwünschti Lüft di beruhigti Fluet
und sunnt sich de Delfin, us de Tüüfi glockt,
im nöie Liächt de Rugge?

 

Blüet Ionie? Isches diä Ziit? Dänn immer im Früelig
wenn de Läbende sich s Härz ernöieret und di erschti
Liäbi de Mänsche widder verwachet und d Erinnerig a goldigi Ziite,
dänn chumi zu dir und säge dir Grüezi i diner Schtilli, du Alte.     

 

chuum heicho
heber widder wele wägg
chuum heicho
heber widder schlächt gschlafe
chuum heicho
heber widder nüütme vertreit

 

 

si segid
ali
so erbärmlich
ali
so armselig

 

am zwänzigschte
gömmer is Werdi

am vierezwänzigschte

gömmer is Tschardino

 

was hätter doch nid ales ghört
was hätt inn ächt ales be-ihflusst

vilicht oder ganz sicher

Striitfeitingmän

hetter da au sele mittmache

hetter da sele gah

effriwär ei hiir de saund of revoluschen

of martsching tchartsching fiit

boi

kos summers hiir änd de teim is reit

for feigting in de stiit boi

er isch jedefalls so umegloffe

we wänner ane grossi Demo gieng
we wänner inen Kampf

er isch sich gfährli vorchoh

 

was das für Idiotte sind
sisch nid zum glaube

we chönd die nur so läbe

i sonere Lüüg  

 

 

Fömmir

Fammir

Fummir

Femmir

Fimmir  

Zömmir

Zammir

Zummir

Zemmir

Zimmir