är wäri immer gärn echli unahschtändig

aber är chöni nid unahschtändig sih

es gebi für inn aber eifach kei Glägeheit

er verstöchi langsamm d Amerikahner wo

zum Psüchiahter göngid diä liggid eifach app

ufen Kautsch und redid druflohs und sägid

e Schtund lang ales mögliche das ine immer

s Unnahschtändigscht s Liäbscht segi

und sägid s Verücktischt Sache wosi suscht

niä chönntid säge und bi alem losst ine

e Psüchiahter oder e Psüchiahteri zu

er würi gärn e Psüchiahteri ha s würim dänn

nameh ihfale er wür sich dänn nabesser

a viles Veruckts erinnere öb ächt

d Psüchiateri d Behandlig uhshalte würdi

dahs frägi är sich inn halti ja niämärt uhs