es mönd ali immer

näbettzue anderi hah

de Göhte hät immer

näbettzue anderi ghah

süesischte Traum vo mim Läbe

hätter einere gschribe

und au de Heidegger hätt

näbeziner Frau enanderi ghah

und ire gschribe si wärdi

vo iezzt ah i sis Läbe ghöhre

si segi de Säge vo simm Läbe

ali ghöred immer i iri Läbe-n-ine

als ungghüri Innschpirazziohnskwäle

si wärded deführ au enttschädiget

mit schöhne Wohrt und schpähter

wänns scho tohd sind wärdez na berüemt

und ali reded vonene wärettem

vo dene Fraue mittene si verhüratet gsih sind

und s ganz Läbe lang gläppt händ

chuhm öpper öppis weiss

si händ ebe nur kochet

und gschtaubsuhget und puzzt

und Socke gwäsche und Underlihbli

und Underhose und Hämper und

Linntüecher und Jaggene und Weste

und ales uhfghänkt zum Tröchne

wänns schöhn gsih isch hänzzes

verusse uhfghänkt und wänns

wüescht gsih isch i de Tröchnigsrühm