jah gang nur echli schnäller
hebiz grüeft
wonär verbih gloffe segi
er hebi äxtrah en Wähg gwählt
woner gmeint hebi
es gsechen niämärt
en Wähg hinenume
aber genau deht
segiz iezz gschtande
und hebid in sofort gseh
i sim knallrohte Wesston
er hebi a demm Tahg
e nöis Sunntigschleid überchoh
i de Schtatt segis kaufft worde
im Rohthuus deht wo d Elltere
immer ales kaufft händ
er wüssi gahr nihd
wenär sich hebi chöne entscheide
es segi es Cheid gsih
i demm mer sich am gschiidschte
immer nur hetti sele verschtecke
schwarzi Hose und den rohte Tschohpe
en sogenannte Wesston
er hebi dadrinn uhsgseh
wenes höchers Wese oder
wenen Schpinner ja gang nuhr
hebiz grüeft gang nuhr schnäller
und lueg na ufft Uhr hebiz glachet
er hebi nämmli bi all demm
na uf d Uhr glueget weneine
wo ganz wichtig isch
settig wichtigi Mänsche häzz
zu derä Ziit gahr nanig ggäh
höchschtens i de Filme
d Filmschauschpiler sind
so schnäll gloffe und händ
ufft Uhr glueget und händ
schwarzi Hose treitt und
knallrohti Wesstons
Keine Kommentare:
Kommentar veröffentlichen