är segi

änn furchttbahre Mänsch

är mösi immer lächle

wännär vo Läbesluschtige ghöri

odder sogahr sogenannt Läbesluschtigi gsechi

är sälber segi ebä känn Läbesluschtige

imm schinid diä Läbesluschtige

gar kei richtigi Mänsche zsih

und wännär öpper gsechi

wo öppis guet fintt

wills Läbesfröid uhstrukkt

zumm Bihschpihl t Musikk

vo kubahnische Musikker

wo arm und alt sind

aber voller Läbesfröid

dänn stuhni är und lächli

und verstöchi dahs nid ganzz

är läbi ebä

es eignigs Läbe

är läbi

wiänä Bakktehriä

zweituhsig Mehter

under de ärde

es gebi Bakktehriä

wo zweituhsig Mehter

under de ärde läbid

i irgedeme Uhrgeschtei

und i drühhundertgrähdigem Wasser

es gebi dahs

drühhundertgrähdigs Wasser

es mösi nur gnüegend

under Drukk schtah