z Neujork

gebis en Klupp

dä heissi Sapperkläpp

deht hebi de Dilen emal gsunge

ganz unvergliichlich schöhn

und öpper hebis uhfgnoh

verbottenerwiis

und hebi vo dene zwei Konnzärt

Cehdehs gmacht

wonär iezz hebi

Förscht Sapper

heissi di erscht

Sägänd Sapper

heissi di zweit

und är meini immer

si heissid Lahst Sapper

är käni i sim Läbe

zwei appsoluhti Singularitähte

di eintte Singularitäht segi de Dilen

und wär di andere segi sägi är nid

dahs segi es Gheimnis

wo niämärt jeh wärdi erfahre