er hebi das Wohrt üsserscht

und er hebi das Wohrt Bedrängniss

und er sezzi si zäme

und gebi na s Wohrt immer dezue

dänn segi är

immer i de üsserschte Bedrängnis

wännär aber öppis anders sägi

wännär zum Bihschpihl sägi

zämerihsse dänn göngis imm bald besser

dänn rihssi är sich zäme

ich sägi är dänn na ganz plözzli

und ganz muetig ich

und är wärdi küen und sägi

ich liebä und dänn liebi är

und wärdi gross und chrefftig

und wärdi ghebet und treit

und es chöni imm nüht me passiere