de Schtaat segi inere schwirige Laag

er chöni mit sine Bürger nüht me afange
die Bürger segid nämmli kei Bürger me
sondern öppis anders mer wüssi nid rächt wahs
en ahrt Chind segids aber alti Chind
sehr unnflexibli Chind Betongchöpf segids
wo nüht welid begrihfe
aber immer sehr gschiid und hochinteligänt
wänns drum göngi Fähler z finde
d Fähler segid immer bi de andere
dah segid Veränderige nid mögli
dah mösimer uf ales gfasst sih
mer mösi scho lang uf ales gfasst sih
aber iezz ganz bsunders
iezz segi di lettscht Schtufe
vo de Dekadänz erreicht