er mösi immer lang nahtänke

bis imm en guete Gedancke chömi
oder besser gseit er mösi en Gedancke
lang hin und här träie biser guet segi
er tärfti nid lugg lah derbi
suscht verschwindi ales sofort
er tärfi en Gedanke nid la gah
wiler langwiilig erschiini
sondern er mösi inn bhalte
und dräie und schüttle und uff de Chopf stelle
aber mängmal nüzzi dahs ales nüht
und er strängi sis arme Hirni ah
oni dases zu ämä guete Gedancke chömi