mitte Gedancke segis

wiä mit körperliche Bewegige
mermösi warte
bissisich ereignid
wämersi welli
sichömid nidimmer
oder eigettli faschtniä
ide gwünschte Kwalitäht
und eshangi wiäbide Bewegige
viles devo ap öb d Bewegig ihgüebt segi
wämer vill tränieri
dänn bewegi mer sich wiänän Zülle
wo drey Miliohne imm Jahr verdieni
wilim niämärt nah chömm ufem Velo
wämer nid vill tränieri
dänn stürchli mer nur so vor sich hih
dänn chöni sich
kein einzige richtige Sazz bilde
soh segis mängmahl bi imm