mer sölli nid

i Panick grahte

wäneim sis Läbe

komisch vorchömm

es gebi vill Lüht

diä hebid na vill es

komischeres Läbe

und diä märkid das gahr nid

dassi komisch läbid

es schtöhri si dahär überhauppt nid

es gebi Lüht diä läbid

oni jede Kontackt zu andere

zum Biischpiil d Mönche

zum Biischpiil aber au

vili vo de Nachbere

und vili vo de Bekannte

also hebimer

känngrund zdänke

merwärdi

mittezit chranck

oder merwärdi

mittezit verruckt

wänndiandere

das uushaltid

dänn haltimer

doch das au uus