är verschrecki
wänn öpper redi
är verschrecki
wänn öpper schriibi
es segi im Rede
und im Schriibe
vill Gwalt
es segi überhauppt
im Läbe Gwalt
am Liebschte
segi imm drumm
Anorganisches
zum Biischpihl
Schtei um Schtei ume
fühli är sich wohl
aber um Redendi ume
fühli är sich
immer miserahbel
är chennti wansinig wärde
um Redendi ume
au Schriibende göng är
immer usem Wääg
är läsi nüht
und är losi niä zue
s schlimmschte Rede
und s schlimmschte Schriibe
segi im übrige s Liäbäsrede
und s Liäbässchriibe
au dahs segi Gwalt
Keine Kommentare:
Kommentar veröffentlichen