werum hätt si sich so uffgregt
werum isch si nach Berlin und Rohm
und werum hätt si sovill tumms Zühg gläse
und dahs ales glaubt wo si gläse hätt
dah mues mer ja verruckt wärde
wämmer soh läbbt wämmer immer glaubt
dass s dritte Riich wider chunnt
und wämmer sich mit Schriftschteller
zämetuet mitt Problehmmänsche
wo mitt sich sälber nid zrächt chömed
und wämmer nid weiss ob mer all dahs
glaube söll wass si säged und schriibed
si hätt gwüsst dass nüht useluegt
im Innerschte hätt sis gwüsst und isch
doch immer debih gsih bis zum Schluss
aber dahs passiert na villne
Keine Kommentare:
Kommentar veröffentlichen