es läbid ali

inere appsurde
Unnwüsseheit
inn gruhsis
wännär dahs gsechi

är troui sich

nid vill zue
är tänki immer
wännär öppis sägi
dases en Blödsinn seg
är tänki
dases nüht wärtt seg
dahs stimmi
dahs segi soh
es segid Tummheite
aber dahs seg
au bi ale andere soh
nur das di andere
so tönd wie wännsi
weiss de Tüfel
was für Sache
säge würdid

enanders Problehm

wo inn na beschäftigi

segis überläbe vo de Komplizierte

warum chönid Komplizierti überläbe

är hebi dah verschideni Hippothese

es segi warrschinnli glich we bi dä Tumme

deht wunderi mer sich au dasses si gebi

aber es gebi si will si nötig segid

s Sischtehm bruchi e grossi Zahl vo Tumme

es bruchi immer en Huufe wenig Qualifizierti

womer vorah gah lös wänns gfährli segi

womer schöni Sache glaube lös

die dezue füerid dass si wiä Wansinnigi

für eim schaffe und für eim sorge tögid

und eim verteidige tögid

wänns di Tumme nid gäh wühr

wäri s Läbe seer vill schwiriger

wäri s Läbe eigettli ganz ummöglich

aber werum gebis nun auna Komplizierti

di Komplizierte segid

e bsunderi Sortte vo Diener

Diener wo schtändig um die Gschihde ume segid

und wo di Gschihde vo de weniger Gschihde und de Tumme tögid abschirme

es entschtöchid ja mängmal doch

gwüssi Ufregige und Hoffnige und Forderige

und dänn chömi d Schtund vo de Komplizierte

dänn zeigid si iri Exischtänzberächtigung

dänn tögid si ali diä Lüht

wo dah dethärchömid

uhfhalte und beschäftige

und zur Verzwiiflig triibe

dänn errichtid di Komplizierte

en undurchdringliche Tschungel

vo Richtlinie und Rächtsnorme

dänn chömid di Komplizierte

mit Formulahr und Frischte

und es gebi keis Mittel degäge

nidemahl e Revoluzziohn

nachere Revoluzziohn segid ja sofort wider

ganzi Heerschahre vo Bürokrahte da

wo di neue Machthaber umgänd

wiäne Armeeh oder wiä e Prieschterschaft

de evoluzzionäre Nuzze

vo de Demokrattih
liggi i de Unübersichtlichkeit
vo de Verhälttniss
wo si erzühgi

er hebi niä gwüsst

währ däh chlih altt Mah gsi seg
wo im Hindergrund so wunderbahr gsunge hebi
I want all of it heber gsunge
all of it not some of it
I want all of it
ä pahrmahl hinderenand
iezz wüssers
wiler zuefellig amene Samschtigahbig Arte
glueget hebi wos nachem zwölfi e Sändig pracht hebid
über de Tschimi Sgott
de Tschimi Sgott segi ide sächzger Jahr emal echli berüemt gsih
und hebi mit villne grosse Musikker zsäme chöne uhfträtte
er segi aber sehr chlih und kohmisch gsih
und hebi nid chöne vermarktet wärde
obwoler eine vo de grossartigschte Sänger gsih segi
es hebi imm nüht gmacht daser nid berüemt worde segi
und er hebi unbekannt und bescheide gläppt und mängmahl
amene Ahbig imene Altersheim gsunge
woner sich emahl am Radio ghört hebi und mer debih gseit hebi
das segi de Tschimi Sgott woscholang tohd segi
hebi sini Frünndihn sofort em Radio ahglühtet und hebi gseit
de Tschimi Sgott läbi dänn na und singi na immer
und dahs hebi e Rihsesach ggäh
es hebid sich plözzli vili a inn erinneret
und hebid inn wider wele ghöre
und soh seger wider uhfträtte
und sini Schtimm segi wunderbarer gsih als je zuvohr
vili Grohssi hebid gseit es segi d Schtimm vomene ängel
und soh segi au de Luh Rihd uf inn ufmerksamm worde
und hebi inn angaschiärt und hebi inn singe lah
all of it not some of it
er segi iezz sicher öppe füfesibezgi
ganz gwaggelig und gfürchig allt
aber er singi ganz überirdisch schöhn
und segi sones unnghührs Schenih
dases nu wenig begrihfid
es hebi Ufnahme ggäh vo imm
wener na z Nöiork umeschpaziärt
und womer inn gfrähget hebi
waserna machi waserna erwahrti
heber gseit
er erwahrti na s Schönscht
er wüssi dasems Schönscht nanig begegnet segi
und dasems Schönscht na begegni

Nachtbuebe

unahsprächbahr
er hebi mängmahl Angscht
wäners gsechi

mängmal läsi är

au öppis anders
mängmal läsi är
zum Biischpiil
diä Ellegih Aminttas
diä beihdrucki inn
immer gwalltig
deht gsechi mer
wahs möglich segi
und wahs nihd

mer chönd dahs ales nid veschtah

läbed wihter s wirt scho gah 

was

är
mängmahl
müesi
ghöre

si wettid ali gärn

das ali soh wäred wiä sih
aber dahs isch leider
nid so vorgseh im Schöpfigsplahn
es sind längscht nid ali soh wiä sih
es isch ehner soh
das ali ganzz anderscht sind
und drumm sind iezz ali
immer echli inere schlächti Luune
drumm sind ali immer e chli böhs
si meinid wännsi böhs segid
dänn wärdid vilicht doch ali

eso wiä sih

und mer chöni nüt degäge mache

mer tärfi nüht mache nüht säge
will suscht ales usenandflühgi
mer tärfi nid säge wes schtaht
mer mösi schwige und dahs fali
imm mängmahl echli schwähr ess
segi warrschinnli nizzo gsunnd
aber es luegid eim ali tummah wämer
öppis sägi und niämärt glaubis

abermängmahl

frähgiärsichschoh

öbächtdahs

guetchönnusechoh

sin idruck segi gsi

dases voralem tummi Lüht gsi segid

wo grett hebid uff beide Siihte

segid tummi Lüht gschtande

uff de eintte Siihte

echli tümmerli Lüht

uff de andere Siihte

echli weniger tummi Lüht

deshalb segi är iezz

uff de Siihte vo de weniger tumme

au wännsimm seer unbehaaglich segi debih

es segi imm unbehaaglich aber

uf e gwüssi Ahrt au ganzz rächt

uf e gwüssi Ahrt freui är sich

dänn diä Tummheit mösi sih

diä Tummheit segi öis mittggäh

vo de Evoluzziohn

är hebi Ehrfurcht vor demm Guet

Tummheit segi es Guet

Tummheit garanttieri e gwüssi Schtabilitäht

das hebid immer ali Gschiide gwüsst

und teshalb segid immer ali Gschiide

denäbetgschtande und hebid zueglueget

und hebid sich nid iihgmischt

au wänn öpper de grösscht Blödsinn geseit hebi

interessantt segi

das är genau gsechi

wiä ales i di falsch Richtig laufi

das är genau gsechi

wo d Fähler liggid

das är au Tummheit vo allne

genaueschtens feschtschtellä chöni

unttoch nüht mache chöni

är chöni sich nid ihmische

är chöni nüht säge

es segi imm wiä wännimm

s redä verbotte wär

wiä wännär schtumm wäri

aber är wüssi nattürrli schoh

werum är nüht sägi

är sägi nüht

wills nüht nüzzi

will niämärt zuelose wühri

will ali nur de Chopf schüttle wührid

will niämärt begrihffe wühri

äs segi under denä Ummschtänd

nattürli am beschte

wämmer nüht sägi

äs würdid im übrige

warrschinnli verschideni na veruckt

si würdid verruckt

willsis nämmli doch märke wührid

wies umsi stöchi

es gebi en französische Sazz

wonär sich emal ufgschribe hebi

är wüssi aber nüme woh

und erchöni sich nüme gnau drah erinnere

är wüssi nurrna um wases ggange segi

wär liebi hebis gheisse

wär liebi und widder gliebt wärdi

däh segi vor allem Unheil bhüetet

und vor allne Schlähg vomm Schicksahl

à l’abri segi däh

à l’abri des sorts du destin.

er hebi das Wohrt üsserscht

und er hebi das Wohrt Bedrängniss

und er sezzi si zäme

und gebi na s Wohrt immer dezue

dänn segi är

immer i de üsserschte Bedrängnis

wännär aber öppis anders sägi

wännär zum Bihschpihl sägi

zämerihsse dänn göngis imm bald besser

dänn rihssi är sich zäme

ich sägi är dänn na ganz plözzli

und ganz muetig ich

und är wärdi küen und sägi

ich liebä und dänn liebi är

und wärdi gross und chrefftig

und wärdi ghebet und treit

und es chöni imm nüht me passiere

es fähli imm nid am Fliiss

es fähli imm au nid am Willä

und es fähli imm nid a de Chrafft

är wäri peraht für di gröschte Aaschträngige

aber es fähli imm amm Objäckt

er wüssi nid was mache

er hebi käss Ziihl

und chöni sich au käss Ziil

vohrstellä oder erfinde

wills käss Ziil gebi

dahs hebid scho vili vohr imm gmärckt

vill gschiideri hebid dahs erfahre

nach de furchtbahrschte Aaschträngige

hebids geseh dass si nüht erreicht hebid

au de Göhte hebi dahs gmärckt

au de Göhte hebi nüht erreicht

was segi zumm Biischpihl de Willhelm Meischter

anderes als e grotteski Verirrig

und sittem Willhelm Meischter segi

grad gahr nüht me gmacht worde

womer chöni läse sodaser iezz

eigettli nur de Willhelm Meischter hebi

aber er chöni doch nid immer nur

de Willhelm Meischter läse 

es welid ali

de tottahle Chrieg

und es segid ali froh

das wideremahl

eine gseit hebi

es gebi iezz dänn

en tottahle Chrieg

öb mer dahs

nid au glaubi

mer mösi doch dahs glaube

es chöni doch

gahr nid anderscht sih

Ärhebi

ä

Singularitäht

Ir

Guätächind
Werummöndihr
Ali
sotummsih