s lingge Projäkkt

segi gscheiteret  

Es gitt nattürli scho Lüht

Mitt denä mer liäbär nid Kontakkt hätt

Es gitt Lüht diä verträgeznihd

Wämmer luht isch und vill lachet

Und womer deht gsi sind

Hätt ales plüet

D Rododändron

Es isch ales voll gsi

Vo Rododändron

Im Hageschtolz 

Hätter Orahlschpizzä gläse

Anschtatt Orlaschpizzä

merwüssibidenä 
niärächt 
öppsi e Frau segid odder en Maa
mermösi uhfpassä

allehalamäson

Tichtä

Hätter grüeft

Tichtä

Essegid

Juscht

Dibeidä rächtä Elemänt gmischt

Seeligkeit

Und

Verwärrfig

är segi eigenttli

kännmundahrttichter

sichernid immhebid

Mundarttichter nie gfale

är machi dahs nurrnäbetbih

är hebi nämmli gmärckt

dases entschpannend segi

de Dialäckt tögi inn beruhige

essegidänn

wiäwännähr

mit sinere Mueter

wührdi rede

oder wiäwänn

sini Mueter

wührdi

mittim

rede

mer sölli nid

i Panick grahte

wäneim sis Läbe

komisch vorchömm

es gebi vill Lüht

diä hebid na vill es

komischeres Läbe

und diä märkid das gahr nid

dassi komisch läbid

es schtöhri si dahär überhauppt nid

es gebi Lüht diä läbid

oni jede Kontackt zu andere

zum Biischpiil d Mönche

zum Biischpiil aber au

vili vo de Nachbere

und vili vo de Bekannte

also hebimer

känngrund zdänke

merwärdi

mittezit chranck

oder merwärdi

mittezit verruckt

wänndiandere

das uushaltid

dänn haltimer

doch das au uus

 

öb ächt Neschtbeschmuzzig

enn evoluzionährä Sinn hebi
dahs frähgi är sich mängmal
si müesi doch ennsinn hah
dänn wänn si kännsinn hetti
dänn würzesi nidgäh
vilicht bruchis si
damit immer en gwüsse Pegel
a Ufregig gwährleischtetisch
damit mir ali nidverfuhled
bruchis si vilicht

es segidales

so verlogeni Sache

dahs hebi är immergseh

ussert amahfang

da hebi ärs nid

so richtig gseh

aber gschpührt

hebi ärs dühttli

är hebi drummimmer

Dischtanzgha

 

zu alldemm

s schlimmschti segi

di feministische Theologih

dahs gebi eim fascht öppis

wämmer läsi was deht passieri

aber eigettli segis

gahr nüt bsunders

was deht lauffi

es segi ja eigettli

so zimmli ales

uff dere Wält

feministischi Theologih

es gebi Teggschte

diä tögid eim

wiä erschlah

und drumm segis

nid verwunderlich

das niämärt

diä Teggschte läsi

es segid aber

wichtigi Teggschte

und es segi schahd

das sich niämärt

mit ine befassi

mer wüssi nüht

wämmer diä Sache nid

gläse hebi

 

Das mösi ufhörä
Mitt derä Sach
Är wetti widder wäggchoh
Vo derä Sach
Är weil kei Mariäbaaderelegih hah

är mösi uhfpassä

daser nid schtärbi

Öb är irä
Seli blöds Zühg verzellä 
Imm passiäri immer 
Blöds Zühg

dah segisi
grad annrächtä grahte
wosi gseit hebi
öpper hebi zu irä 
Schätzli gseit
zum Appschiihd
si hebi kreid
si hätt kreid gseit 
willsi uf Änglisch mittenand 
grett händ
kreid häzzi also
will ali diä Schwiizer 
so nett gsih sind 
und will das Wohrt  
Schätzli 
so schön gsih segi

was dahs heissi

häzzi gfräget

Schätzli

öb das en Mah gsih segi

wo Schätzli gseit hebi 

hätter gfräget 

nei e Frau segis gsih

dahs hätten biss zumä gwüssä Grahd beruhiget

es segid dahs ales Versüech

oder enart Teschts

oder Probeläuf

fürr de Aernschtfall

är tränieri eigentlich jedä Tag

und jedi Schtund für de Aernschtfall

aber är glaubi

dä Aernschtfall chömi gahr niä

är läbi ja inere relativ

sichärä Wält

es gebi dah kei Tohti

und kei wo verhungered

und är chömi sicher niä

inä Situatzion wonär mössti

flüchtä und wägränne

und wonär mössti

vo neuem aahfange

es bliibi mit gröschter Warrschinnlichkeit

ales soh wiäs segi

aber är segi gliich zwunge

sich vohrzbereite

es segid biologischi Programm

wo ablaufid

öbmers nun welli oder nid

är jedäfalls segi perat

perat fürs Schlimmschte

aber au fürrs Schönschte

für Uuflöhsige, aber au

für neui Verbinndige

är würdi warrschinnli

ali Uuflöhsige überläbe

tänki är, är würdi

ales Mögliche überschtah

är währi ja entschprächend vohrbereitet

aber är chähmi ja dänn nur

i neui Zueschtänd

und i neui Verpflichtige ine

wo inn ales ebäso würdi plahge

är würdi i jedäm neuä Zueschtand

au wider neui Kattastrohffe

vorwägnäh müese und er mahli sich

bereizz jezz ali diä neue Kattastrohffe uhs

sehr läbhafft, so läbhafft

dasär mitt simm jezzige Zueschtand

widder sehr zfridä segi

mitt simm jezzige Zueschtand

segi är mängisch nid zfride

är glaubi dass dä Zuestand

nümme lang chöni ahduure

das duuret nüme lang

dänki er fascht jedä Tag

aber er glaubi

das au alli andere Zueschtänd

nid lang wärdid duure

sicher weniger lang

als de jezzig Zueschtand

wo scho vill zlang aaduuret

mängmaal

wänähr öppis läsi

dänn strählis imm

grad dHaar hindäre

so tumm segi dahs

wonähr läsi

und dahs chömi äfeng

so hüüfig vohr

dasähr jezzdännsicherbald

ennentsprächendi Frisur hebi

 

diä Schwiizer hebid
ali so schön grett
si hebid föif gseit odder füüf
föif Schtutz
und dänn ebänau Schätzli
unddänn händs lang
über das Wohrt grett
und händ Übersezzigä probiärt
aber kei Übersezzig
isch würkkli bruchbahr gsih
is Änglisch hännzzes 
nid chönä übersezzä
is Französisch au nihd

wassöllmer dänn uf Änglisch säge

söllmer pömpkin sägä

odder swiithart oder swiiti 

odder beibi, honi odder schugger

das isch doch alles nüht

darling göng grad garnid

är segi sehr kreatihf

aber das sägi är niämärtäm

mer tährfi dahs niämärtäm säge

es werdid alli nur niidisch

oder Pfrauä wärdid sogahr böhs

wämer diä Kreativität nid

voll und gantz für sih iisetzi

Kreativi segid de Fraue immer verdächtig

willsi mit irer Kreativität

unnzueverlässig segid immer perat

zum Abschprung immer perat

irgendänanderi mit irgendöppis

Kreatifem zbezirze

wiä imm

dahsales

zwiddersegi

da machimersich

kännbegriff

dass dahs niemer märki

segi eigentlich schahd

er hetti gärn dases öpper märke wür

wenigschtens e paar chönntids märke

es gebi möglicherwiis scho Mänsche

wos märke würdid

aber diä Mänsche segid

weiss de Tüüfel woh

aber er glaubi eigettli nid

dases hüttna settig Mänsche gebi

früener hebis villicht settig Mänsche ggäh

oder wenigschtens hebis Mänsche ggäh

wosich zu Mänsche hebid bilde lah

wo halbwägs gmerkt hebid was lohs segi

de Eckermah segi so eine gsi

aber däh segi vom Göhte erfundä wordä

und zum Eckermah gmacht wordä

er frähgi sich mängisch

öb ächt de Göhte homosexuell gsi segi

aber dahs spili nattürli kei Role

das segi überhaupt nid negatif zverstah

das würdi nur mängs erchläre

und imm segis nid wohl

wänn nid ales erchlärt segi

imm segis zum Biischpil

diä sonderbahri Liäbi es Rähtsel

diä de Göhte em Eckermah entgägebracht hebi

es segi eigentlich gar kei Liäbi

es segi scho fascht Vernarrtheit

und gliichzitig aber au

en unbegrifflichi und hässlichi Uhsbühterei

villicht hebis überhauppt nüht z tuä

mit Liäbi sondern nurr mit Uhsbühtig

de Eckerma hebi niä richtige Loh übercho

und hebi doch wellä hührate

i alle dene Jahr hebi sich de Göhte

niä für di persönlichi Situaziohn

vom Eckermah interessiert

es segi schaurig

wämmer das gsechi

villicht hebi ales

wasmer jezz so schöhn Liäbi nänni

überhaupt nüht mit Liäbi z tue

wämmer inn wür frägä

dänn würdi er so öppis

soffort unterschriibä