dughörsch
zummprekariaht
fürdiich
ischunnsicherheit 
sbeschtimmende
elemäntimmläbe 

 

emahl hänzzau
äs Hürahtsprojäckt verfolgt
shätt seer vill zredä ggäh
shätt monahtelang für Uhfregig gsorgt
aber sisch dänn gscheiteret
undiri Wünsch sind nid in Erfüllig gange
zummglücknihd      

ärabber
wärdi niä ärmuätiget
är wünschtisichs abber
är wünschti
ärmuätigunge
ärwettischriibe
mitt ärmuätigunge    

hihpreyd
thuthäloordabäff
opliis sändmihafrend

 

er wetti wüsse

wes gsih isch

si selimms verzelle

selis säge

er chöni sichs

eifach nid vorhschtelle

er welis wüsse

er hebi kä ruhigi Schtund

solangers nid wüssi

 

mer händ nüht faltsch gmacht mer mached niäh öppis faltsch

und wämmer iezz e Kommissiohn ihsezzed wo sell undersueche

öbmer öppis faltsch gmacht händ dänn machedmer au dah nüht

faltsch diä Kommissiohn channja zu kämm andere Schluss cho

dasmer nüt faltsch gmacht händ und nüt faltsch mached aber

echli riskant isches nattürli schoh imene Schwährpunktland

vo öisere Entwicklixhilff zläbe settig Länder neiged dezue

ganz plözzli im Chaos zversinke

 

es seg

warrschinndli

nid guet

daser soh seg

und ganz psunders

segis nid guet

daser sihch

öppis ihbildi druff

daser soh seg

nämmli besser

als di andere

gschihder höhcher

nid guet segis

daser bi all demm

unnsicher währdi

und sihch schämi

daser soh seg

so kohmisch

daser sovill läsi

seg nid normahl

di andere läsid

und tänkid

nid so vill

und machid

sicher au

kei Gedicht

er hebi niä würkklich schlimmi Schtreiche gschpillt

er segi immer brahv gsih und hebi immer sofort Angscht ghah

und wänn öppis passiärt segi so seger meischtens gahr nid

würkkli gschuld gsih emahl hebezi Knallchappsle kauft chliini

goldigi Chugle und tummerwiis uf de Schtrahs eini verlohre

si hebezi lang gsuecht und nüme gfunde aber wo de Nachbahr schrähg

gägenüber heichoh isch en allte Mah wo ganz langsam gloffe-n-isch

hebis plözzli knallt und niämert hebi gwüsst wisoh däh alte Mah

au nihd er hebi aber sih gseh i irem Gartte-n-ine und hebi aghnoh

dass sih a demm Knall gschuld segid und segi oni es Wohrt zsäge

ufsi zuechoh ganz böhs aber sih hebid tah we wänn nüht lohs währ

und si nüht wüsstid und soh segi däh altte Mah es Wihli dahgschtande

ganz wüetig und hebi doch nüht chöne säge und nüht chöne mache

und nid usegfunde werumms esoh tätscht hätt woner heichoh isch

 

ibisfarbsacktrännsischtehm
ibide atomschlag

Appsurdischtahn
heber grüeft
Appsurdischtahn  

es wärdi niä das gseit

wo setti gseit wärde

er wüssi nid

wiso das nid gseit wärdi

villicht händ alli angscht

villicht tänked alli nu

es wäri guet

wänn öppis gseit würdi

aber villicht tänkt das gar niämar

villicht sind alli zfridä

ich glaub nid das öppär tänkt

me setti öppis säge

wänn öpper öppis tänkt

dänn tänkt er

das es nüt nützt

wämmer öppis seitt

und das es drumm au nüt nützt

wämmer öppis tänkt

ja ich bi fascht sicher

dass es so isch

si tänked es nützi nüt

wämmer öppis sägi

si tänked es nützi nüt

wämmer öppis tänki

si tänked mer selli

so wenig wiä möglich tänke

dänn wämmer öppis tänki

dänn wärdi alles nur na schlimmer

oder wämmer öppis tänki

dänn söllmers nid zeige

mär söll immer es bitzeli tumm driiluege

das segi s’gschiidscht

diä wo das tänid segid

villicht nid diä tümmschte

also uff känn fall öppis säge

jah nüt säge

d’Lüht würdid nu verruckt

d’Lüht wärdid nämmli schnäll verrückt

d’Lüht wellid nid geschtöhrt wärde

das segi scho immer so gsi

und das wärdi immer so bliibe

das wüssi är als Hischtoriker

d’Lüht segid nur a de Oberflächi tolerant

mä mösi uffpassä

si chönid tue wiä Tüüfäl

wänns nöd so göngi

wiä si wellid

 

bihsse chönz nihd

mittirem schmale chliine Muhl

frässe chönz eim drumm au nihd

nur ahschtare chönz eim

mitt irrne runde Tühfelsauge

wo uhsgsehnd we Nachtsichtgräht

we Färnrohr oder Strahle uhssändendi Maschine

hippnotisiäre chönttiz eim vilicht

oder verschteinere we mittere Verschteinerixmaschine

es hebi emal imene Mickimaushefftli

esone Versteinerixmaschine ggäh erfunde hebsi glaub

de Daniel Düsetrihb ZING hebi diä Maschine gmacht

ZING und ali wo vornedrahgschtande segid

segid verschteineret worde was im Fall vo de Panzzerknacker

nattürli wunderbahr funkzioniärt hebi aber es segid dänn

au anderi verschteieret worde ali Unnvohrsichtige

de Donald mit sine drei Näffe und es segi vill Veruckz passiert

ZING vilicht sinz Tämohne vo de Verschteinerig

wo schtereoskohpisch us drej Chöpf Strale chönid uhssände

und vor sihch drej Opfer hebid drei Bihschpihl

vilicht hebiz soh jahrhundertelang gwürkkt

vilicht würkiz na hütt soh ZING und

mir ali wärdid verschteineret

mir glihchid ja au dene Chöpf

vo Tämohne vor sihch hebid

Marrmuttieh heissi däh Ort

womer verschteineret wärdi

 si läbid nachem Motto

Ist der Ruf erst ruiniert

lebt sich’s gänzlich ungeniert   

 

au vo de zackigschte höchschte Gipfle

gaht d Sunne ewägg und scho lang isches

dunkel im Tahl und uf de Wäge wo na eine gaht

und nanig bim Ziil isch sini Hütte hätter

nanig erreicht di schtilli Wonig vom Hirt

und de göttlich Schlaf schpringt em schnäll voruhs

däh liäbe Begleiter vo jedem wo reist

daser au hütt mir wider hilft und mich sägnet

und über mim Chopf sis heilige Chruut verströit

aber was lüchtet deht vom Felse här was glänzt deht soh

strahlt öppe d Sunne na dur irgenden Schpalt

e Lampe chas nid sih lueg es bewegt sich

lueg es glüet es isch glaub es Wunder ich schtuhne

es chunnt nähcher es bewegt sich und winkt

weli Göttin isches und wele vo de Muhse

suecht mi dah uhf suecht de tröie Fründ

am ruschende Strom zwüschet de schaurige Schpalte

schöni Göttin säg wär du bisch verschwind nihd

tüsch mi nid ich bi begeischteret und grüert

säg mir wännz tärfs voreme Schterbliche

din göttliche Name wännz nid chasch so reg mi uhf

reg mi ah dasi gschpühre weli du bisch

weli vo de Töchtere vom unnschterbliche Zöis

und dass de Dichter sofortt rett und dich priist

und dich rüemt mit sim Lied we dus verdiensch

Känsch du mich nüme du Guete und isch mini

Gschtalt dir scho frömd häsch dini Liäbi vergässe

i bi zwahr scho wägg uss de Wält

und truurig hani ali Fröide lagah

aber ich ha glaubt das mis Bild na fescht

iigschribe-n-isch i dim Chopf und na schöhn

dur d Liäbi verchlährt jah ich gsehs

din Blick seit mers unt Trähne-n-au

d öifrosihne-n-ischs si wirt na kännt

lueg si gaht wägg und zieht na dur Wälder

und gfürchigi Bärge si hätten namel wele gseh

i de Färni de Mah wo immer underwägs isch

de Leerer de Fründ de Vatter si lueget zrugg

uf diä paar chline guete Momänt

las mi namel drah tänke a diä schöni Ziit

es Chind bini na gsih wo du mihch

glehrt häsch und gfüert und ales mir zeigt

vo de Kunscht wos bruhcht uf de Bühne

las mi namel a die Schtunde tänke

und a jede chliine Umschtand ach wär

rett nid gärn vomm Unnwiderbringliche

vodene wunderbahre liächtischte Tage

we si sich dränggt händ we süess si sind gsih

mer chas nid gnueg schezze so schnäll gönz verbih

chlii erschihnez öis iezz aber nid chlii sinz em Härz

dänn d Liäbi unt Kunscht mached au s Chinnschte na grohss

tänkschna drah wo du mir uf de Bühni

Höchers zeigt häsch und ärnschters

 

wenen Bueb hani uhsgseh na ganz es Chind

du häschmer Arttuhr gseit und Wohrt vomene

änglische Dichter hani glehrt und uhfgseit

häschmer droht mitteme glüeige Schtahb häschen

umegschwänkt und vors Gsicht ghebet und mir wele zeige

wemer mues mache häsch sälber Träne ide Auge gha

so guet isches glunge und so truurig dänn am änd

hani s Läbe verlohre häschmi ghebet

woni tohd gsi bi häschmi wäggtreit

häsch würkkli gmeint ich seg tohd

häschmi ghebet und a Bruscht trückt

und lang hani d Auge nid uhfgmacht

häschmi lang ahgluegt und schtill öppis tänkt

änttlich hanidi ahglueget tanket hanider

hader d Händ küsst und duh mich am ändi

ufs s chliine Muul gfräget hanidi

werum bisch so ärnscht min Vatter

hanis nid rächt gmacht so zeigmer

wenis besser cha mache ich wirz probiäre

so langi nur chann und ales und jedes

widderholi wänn dus mir zeigsch und mir lehrsch

aber duh häsch mi packt mi feschter ghebbet

und mis Härz hätt gchlopfet soh we na niä

Nei häsch grüeft nei du liebs Chind

ales und jedes isch guet gsih zeigs au morn

zeigs allne us de Schtatt tue si rüere

so wett mich grüert häsch spill soh wiiter

und d Trähne werded flühsse herrlich au

bim trochnigschte Mänsch aber am Tühfschte

häsch mich trofffe dinn Fründ wo di hebet

häsch mi erinneret anen schlimme Tahg

woni sälber sone Liich gseh ha ligge-n-am Uhfer

 

Ach Nattuhr we sicher und grohss i alem du bisch

de Himel untt ärde folged ehwige, feschte Gsetz

Jahr chömed nach Jahr em Früelig gitt de Summer

d Hand und em Herbscht ruhig de Wintter

Felse schtönd dah we für immer untti ehwige Wasser

bruhsed und schtürzed durd Schpalte derapp

Fichte bliibed grüen und sälbscht di kahle Gebüsch

scho imm Winter zeigez Chnoschpe am Zwiig

Ales entschtaht und vergaht Gsetz doch überem Läbe

dem wunderbahre vom Mänsch da härscht es schwankends Lohs

nid em chrefftige Sohn nickt de Vatter zue fründlich

chrank im Bett am Rand vom Tohd nid de Jüngere

schlühsst am Eltere d Auge zue wo in Fride wägg gange-n-isch

hühfig ach chehrt s Schicksahl d Ornig um

und hilflohs chlaggt en alte Mah um Chind und änkel

schtaht er dah en beschädigte Baum wo de Hagel de Schturm

ali Zwiige abgrisse hätt am Bode liegez um inn ume veströit

 

und a dahs liebs Chind hani tänkt woni di ghebt ha

und gmeint ha i hebi e Liich aber mit Fröide gsehnidi iezz

widder im Läbe im Glanz vo de Jugett villgliebts Gschöpf

schpring umenand du halbe Bueb bis luschtig s Meitli wachst

zur Fröid vo de Wält und mir zum Enzzücke herah

mach immer so wiiter tue di bilde und bi jedem Schritt

sell d Kunscht dini natührliche Gahbe vemehre

lasmi lang Fröid a dir hah und bevori mini Auge schlühsse

wetti gseh we dis schöhne Taläntt volländet wirt

soh häsch grett und niä hani diä wichtigi Schtund vegässe

entwicklet hanimi und ha di erhabene Wohrt tühtet

 

o wiä gärn hani gschpillt hani diä rüerende Rehde

wo duh mir zeigt häsch ghalte zum Volk na immer es Chind

o wiä hanimi pildet we hani uhfpasst uf ales

we hanidi gsuecht under de villne Lüht im volle Saal

aber deht wirsch iezz sih und sizze und nüme

chunnt d öifrosihne füre um di z erheitere

du ghörsch si nüme di liäbe Töhn vo dimm Zögling

i diä du früe so früe au Schmärz häsch inegmischt

anderi chömed und gönd es wärded dir anderi gfale

und uf e grohsses Talänt chunnt schnäll na es grössers

aber du vergiss mi nihd wänn eini dihr bi all dene

schwirige Gschäft immer frünttli dethährchoh isch

dim Wink sich gfüegt hätt sich gfröit hätt ab dimm Lächle

und gärn am Plazz blibe-n-isch däh du beschtimmt häsch

 

wenigschtens
känn Plan

i bi de massgschniderte Chrieg
i bi d Schutzzone
i bi di tödliche Rundi
i bis schtrategische Desaschter
i bis bluetige Verluschtgschäft
i bi de verflogene Traum 

 

hänzzi
en Ahnig
was das isch

 

er hebi

am Ahbig woner is Bett ggange segi

na es Gedicht im Chopf ghah

er hebi nüme wele uhfschtah unz uhfschrihbe

sondern hebi versuecht s Gedicht im Chopf z bhalte

es setti doch mögli sih heber tänkt

sis Gedächnis soh z behärrsche

dasmer öppis übertnacht chöntti uhfbewahre

iezzaber chönersich nattürli nüme erinnere

er wüssi aber na dases drej Zihle ghah hebi

drej Zihle mit jeh eme Wohrt

uf de erschte Zihle es relatihv langs Wohrt

uf de zweite Zihle ganzes churzes

und uf de dritte Zihle wider es langs

es segi irgendä Frahg gsih

e sehr e eifachi und wichtigi Frahg

öppis soh Wichtix daser tänkt hebi

dadrah erinneri är sich sicher na

aber iezz wüsser würkkli nüme wases gsih segi

 

und er chömi sich zimmli lächerlich vohr debih

es schtöhri inn viles

es segi unnglaublich

wasinn ales schtöhri

er weli garnid ahfange devoh

 

er segi

unndurchsichtig

 

werumm eigettli

söli nid ales

erlaupt sih  

 

es schtimmi nihd

wäneine sägi daser

nachem Tohd vo simm Fründ

nurrna zur Helffti eggsischtiärt hebi

und niämärtme ghah hebi

woner hebi chöne rede mittim

diä wodahs gseit hebid

segid ebägrad druffabe

wansinig produkktihv worde

und hebid erscht dänn

ires Rihsewärk ahgfange

 

 

 

er chöni kei alti Lühtli me gseh
er frägi sich immer
wie schuldig diä segid
diä wisshaarige Häxe
hettid doch ganz anders sele läbe
nizzo sowtumm

wala wala

ssäffä

ssa i ä

iezz wüsser glaubi nüht me zsäge

aber das segi nid wihter schlimm

es erschütteri inn sowisoh wäner

gsechi waser immerales gseit heb

 

mer mösi wäggchoh

mer mösi appchoh

mer mösi furttchoh   

vo gwüsse Illusiohne

zum Bischpihl vo de Illusiohn

das anderi Männsche

unnersezzlich segid

das anderi Männsche

überihrdisch schöhn

und überihrdisch

gschihd segid

er frägi sich
we wiht mer
na chöni gah

 

mer mönd wäggchoh
vo all demm
mer mönd uhsträtte
aber mer tärfed nid glaube
dass sonen Uhstritt
irgend e Würkig hätt
mer händ ja kä Bedühtig
mer sind ja niemert

Schriftschteller sih
isch öppis ganz tumms
es gitt e ganzi Reie
wosich s Läbe gnoh händ
Frejtohd seitt mer demm  

"Si müesstid doch!"

"Nattürli müesstiz!"  

 

es chönnti en Chrieg choh

iedderziht

es müessti eiggettli scho lang en Chrieg choh

es segi es Wunnder dasnakäne choh segi

es gebi settig vo sägid dases ires Verdienscht segi

dasna känn Chrieg uhsproche segi

sih verhinderid Chrieg

und sih schaffid und redid

und schrihbid und segid immer uf Reise

und haltid Konferänze app und träffid sich

und gebid wansinig vill Gältt uhs

und segid nid sehr effiziänt und lihdid au

under allerlei Chrankete

soh we ali andere Innschtituziohne au

mer tärfi nid zvill kritisiäre

es gebi kei Allternattihve

d Allternattihve segi wegseit de Chrieg

er hoffi dasna wihter so chöni gschaffet wärde

er hoffi dasales nachli chönn usegschobe wärde

na zäh Jahr das währ herrlich

na zäh Jahr oder zwänzzg

 bi imm chönis vohrchoh

dasähr öppis ganz unnwarrschinnlich Tumms sägi

öppis soh Tumms dasinn ali churz ahluegid

willsis garnid chönd glaube

dasmer soöppis chönn säge

dahs segi eini vo sine Schpezzialitähte  

 

es segi e Drejfalltigkeit

wo dah dahrgschtellt wärdi

vilicht segis e Gägedrejfalltigkeit

oder vilicht segis di richtige heilige Drejfalltigkeit

Gottvatter Gottsohn und Gottheiligegeischt

vilicht hebis de richtige Drejfalltigkeit eifach emahl gfale

sihch esoh z zeige esoh fasnächtlich

si hebis vilicht nid uhsghaltte i irer Heiligkeit

und vilicht hebisisich emahl wele verwandle

i öppis völlig Rähzzelhaffz und Kohmisches

und vilicht weli si luege öbdahs öpper märki

 

 es isch schaurig
dänn bisch uf de Abschusslischte   

 

Blöz cheibe Zühx
Hätter grüeft
Er luegi nizzo
Blöz cheibe Zühx

 

es segi au e grohssi Sünd

 wämer i de Höll segi

 unz eim deht gfali

 

 deine Augen sind

 wie die Teiche zu Hesbon

 am thor Bathrabbim      

 mer mösi uhfpasse

diä Brüder Karamasow segid garnizzoguet

weseim vilicht schihni

ähr hebi erscht uf de Sihte nühnhundertfüffzg gmärkt

dasde Romahn Schwächene hebi

unttänn heber plözzli viles imene andere Liächt gseh

und nameh Schwächene enttekkt

und schliässli hebis imm gschune

dasales ei grohssi Schwächi segi 

 am Hiob hebi de Satan

ales tärfe wägnäh

ali Chind heberem töht

sis Vih und sin ganze Rihchtum vernichtet

Gschwühr heber überchoh am ganze Lihb

und mit Schärbe hebers möse abschabe

aber de Hiob hebi wihter glaupt

und segi dur nüht devoh appzbringe gsih

schpähter zur Belohnig segi imm dänn

ales wider gschänkt worde

er hebi namahl Chind überchoh

nameh als vorhähr

aber das frähgi ähr sich

wiä hätter chöne diä Chind liäbe

wänn di erschte nüme dah gsi sind

hätter gahrniehmeh a di erschte Chind tänkt

hätter würkkli chöne mit de nöie Chind glücklich sih

wänn di erschte ali verschwunde sind          

 

 

hihi hihi

ona ona

si segid diä Dämohne vom Alltahg

si chönid vill schlimmer sih

als si uhsgsechid mer seli sich nid la tühsche

si chönid aber au zimmli frünttlich sih

und eim sogahr hälffe und eim beschüzze

dahs segi aber sältte

bihsse zum Bihschpihl chöniz nihd

im Gägesazz zu irrne Kumpahne

aber schtare chöniz ahschtare

dur iri runde Auge wo we Brüle uhsgsehnd ...

 aber we de underschte Chopf zinterprettiäre segi

dahs gsecher nihd es segi warrschinnli ales reini Schpekulazziohn

en ganzen runde Chopf segis mit zwei grohsse-n-Auge

und zwei grohsse-n-Ohre wo we Hänckel abstönd

echli verzwihflet gsechi däh Chopf ja scho uhs

vilicht segis en Gfangene uf däh es unngwüsses Schicksahl wartet

bi derä dubiohse Dreifalttigkeit mösimer sicher uf ales gfasst sih

au uffs Widersinigscht und Verchehrtischt soh gsechi si uhs  

 

di romahnische Bildhauer und Architäckte

segid immer sehr frünttlichi Lüht gsih

 vili säged

woh gizz

na Guezz

währ laht öis

na Guezz gseh

lühcht über öis

lühcht

erschihn

lueg öis ah     

 

 

är wüssi
vo nühtem
wases segi

wes wihtergange nisch
verzeller jetzt nihd
es segi uf jede Fall müesam gsih   

 

 

am sibete April
seger dänn operiert worde
zweiehalb Schtund
vonere schöne junge Frau

 

am vierte April
segimm öppis ganz tumms passiert
da seger ufere Wanderig uhsglitte
und hefftig uf d Schultere gfloge
er hebi sich chuhm me chöne bewege
und hebi möse uf de Nohtfall
deht hebezen gröngget
und gseh dass de Oberarm proche nisch

 

 

 

wäner tänki was imm
ales gseit worde segi
eini hebi imm emal zuegrüeft
häsch mi verschont

 

 wohähr chunnz

i weler Vohrziit ischmer soh umegrännt

und ischmer soh beschtürzzt gsih und betroffe

und hätt ahklaggt i lange truhrige Rehde

wohär chunnz

i weler Uhrhorde häzzich dahs entwicklet

häzz immer eine ggäh wo ales unngrächt verteilt hätt

häzz immer eine ggäh wos Bescht für sihch bhalte hätt

für sihch und sini Liäblingsfraue und Liäblings-Chnächte

und Liäblings-Chrieger und häzz immer vill gäh

wo nid gnueg überchoh händ und wo drumm händ möse

schimpfe und jammere und zettere bises am Supperaff

z tumm worde-n-isch unders nüme uhsghalte hätt

und wägggloffe-n-isch

häzzesich soh entwicklet  

das
cha
nid
soh
witer
gah

 wär isch ächt da
scho ales ihkehrt
wär hättächt da
scho ales pättet
de Dachschade
isch scho lang da gsi
iezz aber
isches nüme nur en Dachschade
iezz gheit s ganz Huus zäme   

 

 

chrefftig gsechiz ja scho uhs

si segid chliih und gedrunge

aber sicher rächt schnäll

und fescht zuepacke chönntiz sicher

si händ ja ganz grohssi primitihfi Händ

Händ mit föif Finger i einere Reie oni Tuhme

mittere sone Hand chönntiz sicher

au eine am Chrage phacke und würrge

und ziäh es gsechi ja fascht soh uhs

we wänn diä zwei Chöpf i de Mitti

wo waagrächt liggid Chöpf segid vo zweine

wo phackt worde segid und jezzt ufeglupft

wärdid und we Hüener langi Häls überchömid

jah es sind dah zwei vewütscht worde

eidühtig isches dah zweine schlächt ergange

meh dur Zuefall schihnis imm

soh gliichgültig glozzid diä drej Chöpf