si sind in Wald

mit irne Wimpel

und Fulahr und

Fulahrring und

Pfadigürtel mit

Pfadischnale mit

Pfadililie und

mittem Pfadihuet

und mittem Chochchessel

wos im Matteriahlmagazihn

gholt händ und eine hätt gseit

das i demm Wald grad letschthihn

wider es Chind ermordet worde-n-isch

und wos en Mah gseh händ

wo elei im Wald gschtande-n-isch

hettezi gärn d Polizej gholt