wahs isch drinn

dahs segi d Frahg

es segi immer di glihche Frahg

isch vill drinn

isch wenig drinn

oder isch öppe nüht drinn

we chamer feschtschtelle

öb öppis drinn isch

dahs segi nid so eifach

mer chöni dahs nid eifach so feschtschtelle

mer mösi d Erlaubnis hah dezueh

und under normahle Ummschtänd

chömimer diä Erlaubnis nid über

also chönimer under normahle Ummschtänd

i dere wichtige Frahg au niä Klarheit überchoh