er glaubi
daser mittem Läbe
langsam chöni abschlüsse
er hebi ales gseh
er hebi ales ghört
er hebi ales gläse
es chöni iezz kei Überraschige me gäh
au die Liäbi nihd
det segi ales verbih
det wärs nurrna makaber
wänn na öppis würdi passiere
imm schiini mängmal ales
nurrna makaber
es segi vo Afang ah makaber gsih
sitte Urziite
es segi es Wunnder
dass das immer ali uhsghalte hebid
es gebi sicher es Gehn
odder irgenden Botestoff
wo d Mänsche befähigid das uhszhalte
Keine Kommentare:
Kommentar veröffentlichen