zummglükk
segerso
wenersegi
zummglück
seger nidanderscht
nizzoh we di andere

 

 und i de Nacht woner nid hätt chöne schlahfe

i derä grohsse tunkle Wonig i derä Riiseschtatt

ischer uffgschtande und en lange Gang füre gloffe

und hätt duren Tührschpalt glueget ines Zimmer

und hätt i demm Zimmer e jungi Frau gseh ligge

ufeme Bett wo wenär au nid hätt chöne schlahfe

wo gsühfzet hätt und gschnuhfet und inn gar nid

bemärkt hätt er isch nattürli liislig gsih und

üsserscht vohrsichtig und hätt sich schnäll wider

zruggzoge aber schpähter hätter vill a däh Momännt

tänkt und sihch immer wider vohrgschtellt wasächt

pssiärt währ wäner en chliine Lärm gmacht hetti

wäner echli ghüeschlet hetti oder eifach inegange

wäri und öppis Tumms geseit hetti uf Schpanisch     

er mösis mache

morn mösers mache

und wäners nid weli mache

so möser sihch dezue zwinge

iezz segi de Momännt dah

woners mösi mache

wäners iezz nid machi

dänn verpassi är öppis

schampahr Wichtix

also morn mösers mache

dahs möser sihch iezz vornäh

au wäner di ganz Nacht

nid chöni schlafe dewäge

es gebi nachär lang

kei sone Glägeheit me

und vilicht gebis sis

ganze Läbe lang kei sone

Glägeheit me vilicht

veränderi sihch ja ales

es veränderi sich ja ales

immer soh schnäll also

mohrn mösis sih morn

möser gah unz mache

 

d Lahg
hebi sich langsam
widder
normalisiert 

 

wäner tänki
waser mössti uhsschtah
wäner mittire zsämewär

 

 es segi imm dahs ales

scho zimmli verleidet

emahl wärdi imm dahs

ganz verleide und dänn

wärdi är nüht me mache

und nüht me säge und

überhaupt mit kämm

Mänsch me rede däh

Momännt chömi nächer

dahs märker

 

es gebi Lüht mitteme grohsse Bhellter

und Lüht mitteme chliine Bhellter

und diä Lüht mitteme grohsse Bhellter

mösid immer echli uhfpasse wesi ummgönd

mitt dene Lüht mitteme chliine Bhellter

diä Lüht mitteme chliine Bhellter

neigid zumä gwüssä Nihd und segid mängmahl

echli agressihf aber vilicht segi dahs

es eisihtigs Urrteil und vilicht segis ehner soh

dass diä Lüht mitteme grohsse Bhellter

diä Lüht mitteme chliine Bhellter underdrückid

und uhsbühtid bis si grad gahr nüht me hebid

 si liäbi

dah öpper

si liäbi

hebisi grüeft

si wüssi

nurrnanig wenn

es chömi aber

schona uhs

si märkis

mer seli ire

namel es Glahs

ihschänke dänn

chömis uhs

si selizich

peraht mache 

es göngi dänn

efeimahl schnäll 

 

werumm erreiched mihr dahs nihd

womer wänd erreiche

werumm erreichez mihr nihd

erreichz ächt überhauppt öpper

oder erreichz niämärt

und wärdedmer zerstöit

und verschtönd enand nüme

und gönd ali zgrund

das isch sonen Seich
hätter gseit
überall Schöpfli
was häzzächt i denä Schöpfli
i denä Schöpfli häzz Höi
und Wärkzüg
logemal detthinä
aber dah häzz nüht drinn
mer laht das eifach sih

 

 

früener segid d Lüht

weniger altt worde

nur öppe drihssgi

si hebid chuhm zäh Jahr

würkkli richtig gläppt

wänär iezz achzggi wärdi

so erläbi är föifmahl

oder sächsmahl sovill

wenen Mänsch i de Vohrziit

und chöni au föifmahl

oder sächsmahl me wüsse

er häzzi gfrähget

öppsi öppe meini

dases nüht segi

oder dases nüht gsih segi

isches nüht gsih

hättersi gfrähget

oder isches öppis gsih

isches nüht

oder isches öppis

oder chas amänd na öppis gäh

wirz erscht öppis

und wänn wirz öppis

wänn meini si dases öppis chönnti wärde

scho bald oder erscht schpähter

erscht i zwänzzg Jahr

waser seli mache

wänns erscht i zwänzzg Jahr öppis chöni wärde

wiä glaubi si dass diä zwänzgg Jahr chönid

überbrückt wärde chönid unbeschadett überschtande wärde

öppsi glaubi er chönis überschtah

oder öppsärä gliich segi öbers überstöchi

oder nid überstöchi es segärä gliich tänki är

es mösärä doch gliich sih

i irem Interässe möses ire gliich sih

wänersi mössti berahte würer ire säge

dases ire setti völlig gliich sih

 

öppt

öppe

meinsch

dases

nüht

gsih

isch 

 

das segi iezz

eis von schönschte Büecher

woner jeh gläse hebi

es chömi imm

immer öppis

dezwüschet

wahs isch drinn

dahs segi d Frahg

es segi immer di glihche Frahg

isch vill drinn

isch wenig drinn

oder isch öppe nüht drinn

we chamer feschtschtelle

öb öppis drinn isch

dahs segi nid so eifach

mer chöni dahs nid eifach so feschtschtelle

mer mösi d Erlaubnis hah dezueh

und under normahle Ummschtänd

chömimer diä Erlaubnis nid über

also chönimer under normahle Ummschtänd

i dere wichtige Frahg au niä Klarheit überchoh

 

er hebi zehrscht tänkt

es chömi nüht me

es segi färtig

aber dänn heber plözzli

es nöis Thema entdeckt

das Thema Behellter

er hebi plözzli gmärkt

dassd Behellter öppis Wichtigs segid

wär ordentlichi Behellter hebi

segi besser drah

je gröhsser de Behellter

deschto besser segis

er hebi es Buech gkauft

ussdemer nur eis Wohrt hebi chöne bruhche

nämmli s Wohrt Pallassauge

vo alem andere i demm Buech

seger enttühscht gsih

insbesonndere au vomm Vohrwohrt

wo vonere bekannte junge Anglistikprofässohrin

gschribe worde segi

 

er hebi e Mugge imm Zimmer

ä sehr ä höchentwickleti

mer gsechi si nihd mer ghöri si nihd

diä Ziite segid verbih

wo d Mugge eim vor de Auge umetanzet sind

und sich eim schöhn brahv uf de Handrugge gsetzt händ

und dänn langsam iren altertümmliche Rüssel i di zäch Huht

ineporet händ sodaser fest ghebet hätt und nid innert

nützlicher Frischt wider hätt chöne usezoge wärde

und mer dänn d Mugge liächt hätt chöne verschlihrpe

diä Ziite segid verbih hütt gsechimersi nüme

und ghöri si nüme aber wämer i de Nacht verwachi

dänn hebimer grohssi rohti Schtiche und mer mösi sich

wämer weli wiiterschlafe mittem Insäckteschtift go behandle

jessesgott
isch dahs guet
lifingtrankk
lueg wet Zusan schön lachet
wode Tatschmahal ihsetzt

 

das chömmer nihd
das wämmer nihd
das tömmer nihd
das simmer nihd

Wisoh
hätterächt
Sälbschtmord
gmacht

sis Läbe
segi e Mischig
vo de Läbe vom Möricke
und vom Schtrindberg

 

öb das iezz

guet segi

dahs wüsser nihd

es gebi niämärt

wo imm chöni säge

öpps guet segi

es segi warrschinnli

ungghühr guet

als Mänscheforscher

hebi inn s Militähr

immer innteressiärt

hochinnteressant segi zum Bihschpihl d Frahg

werum mers bi allne Verbesserige und Reforme

vo de letschte Jahrzäht nid erreicht hätt

d Dummheit und de Läärlauf unz ewige Gschimpf

und Gfluech usem Militährbetrihb z eliminiärä

es mösi dah Konschtannte gäh

es gebi uf de Wält Abläuf diä

garnid chönid reformiärt wärde

i dene sich nohtwändigerwiihs

immer di gliiche Zueschtännd

tögid zeige mer chönis nid mache

ohni gwüssi Schtimmige z erzühge

und mer mösi mit dene Schtimmige

läbe si segid ja sogahr nüzzlich

mer chöni doch viles lehre es gebi

niänet suscht sone Glägeheit dezue

mer chöni sich in Rue und ohni ärnschthafti Folge

uf anders vohrbereite wo na chönnti uf eim zuecho

är zum Bischpihl

hebi im Militähr

enorm profitiärt

mer bringi inn iezz

fascht nüme uss de Rueh

was au immer passiäri

für inn hebid also

di positihve Aschpäkt

immer überwoge au wänn das

anderi gahr nid gärn ghörid

ganz schlimm isch ja au
s Appezällerland
solangs ebä im Dings ine sind
bringsches nüme wägg

 

mer gsechi erscht spähter

was würkkli lohs segi

wämer mittene z tue hebi

märkimers nihd dänn segmer

beihdruckt vo irne Aktivitähte

dänn wärdi gschaffet

dänn seged ali immer im Schtress

immer a Beschprächige oder

uf de Fahrt zu Beschprächige

oder am telefoniärä oder faxe

aber schpähter gsechimer

das ales nurr Theahter gsi segi

mer hebi nur mit gschickte

Schauschpiler z tue ghah

si hebid eim öppis vohrmacht

si hebid di Tüchtige gschpillt

di Kompetänte di Uhfmerksame

si hebid soh tah we wännsi

Ihfluss hettid we wännsi

öppis chönntid erreiche

mitt demm vile Gält wo si hebid

mer gsechi erscht schpähter

we schlampig si segid we fuul

we innkompetännt mer schtuhni

immerhin we guet si dahs chönid

schpile si hebid offesichtlich

en Begriff vo demm wo si settid sih

irgendimene Egge vo de Wält

hänzzi Vohrbilder gseh

und richtid sihch nach ine

är wärdi

es Füür mache

är wärdi Holz sammle

und vill Holz zsämeträhge

är wärdi sihch

nid schohne debih

und en Riisehuhfe mache

und är wärdi

ali fessle und zämebinde

und uff de Holzschtohs legge

ali mittenand und ufenand

är höri nid uhf debih

är wärdi dahs mache

und er wärdis nid beröie

er wärdi s Holz ahzünde

und wärdi zueluege

är segis wo redi

är de Härr

und er debih sih und zueluege

wenali verbränid

und er wärdi wahrte bis nurrna

es Hühfeli äsche dah segi

voll chliine Chnocheschtückli

und är wärdi das Hühfeli näh

unz mit sich umefüere

unz über di ganz Wält verschtröie

dahs wärdi är mache

är hebi sichs vohrgnoh

und es chöni inn niämärtme

devoh appringe

so wärdimer gseh

wär de Härr segi

si segid nothwändigerwiis dah

soh wes ufeme Chueflade es rihchs Läbe gebi

mit Flühge und Chäfer und vielem Getier

soh gebis uff demm rihsige Wältlihchnahm

ebä au Organisme wo sich vollsuuged und

sich volllaufe lösid und debih überzühgt segid

dassi es guez Wärk tögid und e gueti Litterathur

produzziärid oder suscht irgende höchscht wichtigi

und höchscht nüzzlichi Arbet leischtid

mer tärfi sihch nid lah schtöhre vo all dene Erschihnige

mer mösi schtill sin Wähg gah

oder schtill i sinere Hütte sizze

und sihch sälber sih und nid

uff dahs lose wo umeimume

verchündet wirt und grüeft

wänns en Gott gäpti
so chönntis nur eine sih
wo grossi Würde hätt
ganz e höchi Würde
wo nur diä erlöse wür
wo latinisch singe würdid
oder a irer Bärdigung
s Rekwiem würdid singe la
mittem absolve Domine
undemm in Paradisum

 

si isch immer in Effrätike ihgschtige
und nachär es Jaar im Sudahn gsih
und dänn au na in Nöiseeland
und wosi zrugg cho isch
nach sibe Jaar
isches eifach so wiitergange
we vorhär

es Loch
es Loch is Ihs schlah
er hätt grad Angscht überchoh
wosi dahs gseit heit
es gitt Ihs
das isch klar
und mer chan au
es Loch is Ihs schlah
wämmer Muet hätt
es mues ja nid grad Sälbschtmord sih
er hätt diä Aschpilig verschtande
hätt aber nüht gseit
hätt vilicht tänkt
dases für inn besser isch
wänen andere das Loch schlaht
und en andere ineschpringt

es würen wunder näh
wassi über inn würdid säge
wännsi inn käne würdid
sitt villne Jahr als Nachber
oder als Koleg im Chegelklupp
dänn chönntiz sicher vill säge
und vill lache

nurrna dekadänt
nurrna peinlich
nurrna beklämmend
nurrna grässlich

 

us
alem
vill    

es segi ales

en Kreislauf

en Kreislauf

vo Böhsem wo

de einte amm

andere ähtög

en Kreislauf

vo Schuld wo

wo niämärtme

chöni wägnäh

es göngi soh

wihter bissi

ali enand uhfgfrässe hebid   

 

wämer

ales Böhsi

wetti uhflihschte

wo de Mänsch machi dänn

chömimer a käsänd er weli garniddruf ihgah

immlangi s Böhse woner a de Tiär ahtögi a de sannfte Tiär

a de zuetrouliche und ahhängliche und wehrlohse Tiär

a de Huhstiär woner sälber inen Zueschtand inezüchtet hebi

wosisich nüme chönid wehre Chüe zum Bihschpihl chönid sich

doch nid wehre sondern mösid ires Läbe läbe genausoh

wet Söi oder d Hüener wast Hüener erläbid

segi unnghühr segi gschpängschtisch

segi nüht anders alses Konzentrazziohnslahger

mer mössti de Mänsch elei wägedene Hüenerschtäll

wägnäh vo dere ärde wäge dere Chäfighalltig

 

 

 

mane segid au
sehr verlezzlich
mane chönid au
schlimmi Sache erläbe

 

er isch so sehr zfride gsih
daser kei Zahweh me gha hätt
er isch aber überhaupt zfride gsih
obwoll er wenig Grund gha hätt derzue
de einzig Grund woner vilicht hetti chöne ha
isch gsi
daser na gläppt hätt
und dises und jenes hätt chöne mache
wärettemm anderi
schon längscht gschtorbe gsi sind

 

woner
a irem Huus
verbih cho nisch
hätter sich bekrüziget
aber nid
um sich z schütze
vor tüflische Ihflüss

 

mängmal
wäner öppis läsi
wärdis imm
fascht schlächt

mängmal

i sältene Fäll

segis aber au

wenä Erlüchtig

mängmal chöner es Buech

nur mit Beklämmig

it Hand näh

so guet segis

so höch

so überirdisch

zum Bischpihl

Griechischi Kulturgschicht

vom Burckart

oder au öppis vom Dömästrr

oder em Schmitt

 

 

das ales
segi
wansinnig interessant

als Mänscheforscher

hebi inn s Militähr

immer innteressiärt

hochinnteressant segi zum Bihschpihl d Frahg

werum mers bi allne Verbesserige und Reforme

vo de letschte Jahrzäht nid erreicht hätt

d Dummheit und de Läärlauf unz ewige Gschimpf

und Gfluech usem Militährbetrihb z eliminiärä

es mösi dah Konschtannte gäh

es gebi uf de Wält Abläuf diä

garnid chönid reformiärt wärde

i dene sich nohtwändigerwiihs

immer di gliiche Zueschtännd

tögid zeige mer chönis nid mache

ohni gwüssi Schtimmige z erzühge

und mer mösi mit dene Schtimmige

läbe si segid ja sogahr nüzzlich

mer chöni doch viles lehre es gebi

niänet suscht sone Glägeheit dezue

mer chöni sich in Rue und ohni ärnschthafti Folge

uf anders vohrbereite wo na chönnti uf eim zuecho

är zum Bischpihl

hebi im Militähr

enorm profitiärt

mer bringi inn iezz

fascht nüme uss de Rueh

was au immer passiäri

für inn hebid also

di positihve Aschpäkt

immer überwoge au wänn das

anderi gahr nid gärn ghörid

 

 

mer gsechi erscht spähter

was würkkli lohs segi

wämer mittene z tue hebi

märkimers nihd dänn segmer

beihdruckt vo irne Aktivitähte

dänn wärdi gschaffet

dänn seged ali immer im Schtress

immer a Beschprächige oder

uf de Fahrt zu Beschprächige

oder am telefoniärä oder faxe

aber schpähter gsechimer

das ales nurr Theahter gsi segi

mer hebi nur mit gschickte

Schauschpiler z tue ghah

si hebid eim öppis vohrmacht

si hebid di Tüchtige gschpillt

di Kompetänte di Uhfmerksame

si hebid soh tah we wännsi

Ihfluss hettid we wännsi

öppis chönntid erreiche

mitt demm vile Gält wo si hebid

mer gsechi erscht schpähter

we schlampig si segid we fuul

we innkompetännt mer schtuhni

immerhin we guet si dahs chönid

schpile si hebid offesichtlich

en Begriff vo demm wo si settid sih

irgendimene Egge vo de Wält

hänzzi Vohrbilder gseh

und richtid sihch nach ine

är wärdi

es Füür mache

är wärdi Holz sammle

und vill Holz zsämeträhge

är wärdi sihch

nid schohne debih

und en Riisehuhfe mache

und är wärdi

ali fessle und zämebinde

und uff de Holzschtohs legge

ali mittenand und ufenand

är höri nid uhf debih

är wärdi dahs mache

und er wärdis nid beröie

er wärdi s Holz ahzünde

und wärdi zueluege

är segis wo redi

är de Härr

und er debih sih und zueluege

wenali verbränid

und er wärdi wahrte bis nurrna

es Hühfeli äsche dah segi

voll chliine Chnocheschtückli

und är wärdi das Hühfeli näh

unz mit sich umefüere

unz über di ganz Wält verschtröie

dahs wärdi är mache

är hebi sichs vohrgnoh

und es chöni inn niämärtme

devoh appringe

so wärdimer gseh

wär de Härr segi 

 

si segid nothwändigerwiis dah

soh wes ufeme Chueflade es rihchs Läbe gebi

mit Flühge und Chäfer und vielem Getier

soh gebis uff demm rihsige Wältlihchnahm

ebä au Organisme wo sich vollsuuged und

sich volllaufe lösid und debih überzühgt segid

dassi es guez Wärk tögid und e gueti Litterathur

produzziärid oder suscht irgende höchscht wichtigi

und höchscht nüzzlichi Arbet leischtid

mer tärfi sihch nid lah schtöhre vo all dene Erschihnige

mer mösi schtill sin Wähg gah

oder schtill i sinere Hütte sizze

und sihch sälber sih und nid

uff dahs lose wo umeimume

verchündet wirt und grüeft

si segi nizzo schüch
wenär meini
si chöni sehr druffgängerisch si
ganz hämmigslos
wännsi weli
er mösi echli ufpasse
wäner mitt ire weli ztue ha
si machi eim
de Hoseschlitz uhf
wännsi i Schtimmig chömm

 

d Dekadännz segi en durchuhs nattürliche Zueschtand

we ali andere Zueschtänd segi au d Dekadännz

en nattürliche Zueschtand d Natuhr weli zu gwüsse Ziite

d Dekadännz si weli nüme vill i Sache inweschtiäre

wo kei Zuekunft hebid wännsi gseht dahs nüht me zmache-n-isch

dänn willsi dass dahs vo entschtande-n-isch au wider verschwintt

dänn willsi dases bergapp gaht und daderführ häzzi iri Prozeduhre

wo deführ sorged dass s ändi rascher erreicht wird energihschparend

und das erschtna ali luschtig sind debih und uf iri Ahrt produktif

 

er segi än Seher
er segi en Vates
er stöchi im Schturm
ufeme höche Felse
mitte Lira die Händ
und singi

Lühtere doch ah
gang doch zuenere

fräg si doch

muesch nur ahlüte

muesch nu fräge

si chiem sicher

si chiem

häsch Angscht

si chiem vilicht sogar gärn

si wartet vilicht druff

dasd ahlütisch

und frägsch

wag doch öppis

s cha sicher nüt passiära