en andere

chunnt gwöndli

nur ganz churz

nur für e Viertelschtund

als Gnahdeerwiis

hütt hätter es sidigs Hämp

und wider zweifarbigi Schue

wämmer nume wüsstid

was däh macht

vilicht isches enahrt en chliine Gott

en Inkarnazziohn vomene Budda

Buddas inkarnieredzich

zwar meischtens i unuhffelligi Erschiinige

i Landschtricher und eifachi Lüht

aber vilicht erschihnez

au mängmahl i sonere Form

als Unnberüerbari

wo niämärt weiss wisoh si dah sind

und wohär si chömed