s Singe segi vilicht nures Betohne

bimm Singe fülimer Wöhrter mit Bedühtig uhf

bimm Singe machimer öppis us Wöhrter

wo eim normahlerwihs ganz unnschihnbahr tunkid

zum Bihschpihl s Wohrt eferissing oder s Wohrt nassing

inn berüeris immer am meischte

wännsi uf e nöji Ahrt uhsgschproche wärdid

am Schönnschte segis bi ganz chlihne Säzz

womer tänki mer chöni dah nüht ahfange demitt

wo de Künschtler aber zum Lühchte bringt zum Funkkle zum Bräne

und soh gebis us wenige banahle Buechstabe

efeimahl

en Wansinnszauber

singe segi

verzaubere

singe segi

verwandle

singe segi

verbessere