s Problehm segi
dasmer sich immer wider
iifange lösi vo derä
blöhde sogenannte Würklichkeit
s Problehm segi
dasmer dänn glaubi
dahs womer gsechi segi normahl
und dahs womer ghöri segi normahl
und dahs womer läsi segi normahl
und dasmer dänn glaubi
dahs womer tröimi
segi abnormahl
immer wider schnappet
diä Fale zue
und mer hocked dah
wiä Idiotte imene Irehuus
wo nüme märked
wo si sind
es hebi scho fascht
känn Sinn me devo zredä
mer schtossi uf Unverschtändnis
aber är gebi vorläufig nanig uhf
är wehri sich
är glaubi nihd
dass dahs ales segi
au wänn dahs lächerlich töhni
e chli kindisch töhni
e chli kindisch töhni dahs
und es losi imm niämärt gärn zue
Keine Kommentare:
Kommentar veröffentlichen