är hätt sich scho am Morge

zweihundert Gramm Pralineh

inägschoppet

äs isch uverschammt

wenär sich dahs alles

inägschoppet hätt

es gebi Lüht

wo nid vo ire lohschömid

si wärdi sitt Jahre

verfolgt und beläschtiget

si chöni drum

niä nur a eim Ohrt wone

si woni immer mindeschtens

a drey Ohrte

dahs chöni är verschtah

hebi är gseit

är chöni guet verschtah

das eine vo ire nid chönn lohschoh

är sälber segi ja au

nu mitt de gröschte Schwirigkeite

vo ire lohschoh

är hebi dahs gschafft

aber es erschtuhni inn nid

dases anderi nid schaffid

und er frägi sich mängmal

öb de Priis wonär zallt hebi

nid z grohs gsi segi

si segid feschti Männsche gsi

si hebid warrschinnli

zu de feschtischteschte Männsche ghört

wos jeh ggäh hebi d Mänsche

segid nid zu allne Ziite glich fescht

hütt zum Bischspihl segids nüme fescht

sondern im Gägeteil bireweich

si zerflühssid richtiggehend

hütt flatteri ales und zucki

räni chopflohs hin und her

es segi we imene Hüenerhoof

oder imene Akwariumm

än richtige Mänsch aber

mös wenen Felse fescht schtah

aber dahs mösi mer leehre

dahs hebi mer zu gwüsse Ziite glehrt

und lehre möse wärs nid glehrt hebi

däh segi soffort underggange

hütt chöni mer durchuhs labil sih

oni dass öppis passieri

hütt bruchis kei Feschtigkeit me

im Gägeteil Feschti tögid nur schtöhre

und unahgnehm uuffalle

Lüht we sini Elltere chönis hütt

nüme gäh dahs segi schahd

dahs tunki inn fascht echli e Kattaschtohfe

dahs wärdi gschezzt

hätter gseit

dahs wärdi gschezzt

aber vo wemm eigenttli

und werum

schezzt mers nur

willmer froh isch

dases e settig Tuble gitt

wo bliibed und schaffed

und entbehred

und dulded

wär schezzts

schezzts de Fürscht

oder de Hofprediger

oder de Oberschtallmeischter

oder di gnädige Fraue

wo immer bimm Throhn zue schtönd

und schezzezes würkli

oder schezzezes nur

wills ine nüzzt

will sih vo alle dene läbed

und we schtahts mit öis

schezzez dänn mir würkli

meined mir dänn was mer dah säged

es schezzts niämert würkli

das isch so guet we sicher

und doch bliibed mer

und halted fescht

und dulded und entbehred

und tönd derbih soh

we wämmer feschthalte würdid

und dulde würdid

und entbehre würdid

es isches zimmlichs Rähtzel

aber wänn si siich

e chli entfernid vonenand

bim Choche oder Puzze

so tögids gliich wiiterrede

eifach e chli lühter

si ruefid dänn eifach

was meinsch dezue

ghöri mer si dänn rüefe

was meinsch dezu

oder welle Sänf meinsch

i wellere Schublahde meinsch

i de undere oder de obere

und wohih selli

de Schtuel schtelle

wohih wotsch dasi

de Schtuehl schtelle

uf de Teppich oder näbet de Teppisch

isch d Milch im Chüelschrank

häsch de Zäddel gseh

welle Zädel

de Zäddel am Aaschlahgbrätt

nei de Zäddel uf de Ziihtige

uf de Ziitige deht gsehni känn Zäddel

dänn liihter halt

under de Ziitige

ich bi sicher daser

bi de Ziitige isch

vilicht bim Radioprogramm

oder ufem Radio oder uf de Kafimaschine

oder vilicht häschen

bim Schtaubsuuhge inegsuuget

er isch nur chlih gsih

er chennti guet bimm Schtaubsuuge

inegsuuget worde sih

wäner inegsuuget worde isch

dänn isches nid so schlimm

i channs scho reckonschtruiere

es isches neus Rezäppt gsih

für es Broggoligrattän

ischs Gmües na guet lueg nah

öbs Gmües na guet isch

öbs na langet für es Grattän

hämmer nid gseit mer wellid hütt

es Grattän mache

oder wettsch lieber nüht warms

wettsch lieber nur en Salaht

Dädelös

Däliotahr

Däguattahri

Zweihundäerttittel

Däwirilio

Zwänzgbändadorno

si hebi fascht en Närffezämebruch überchoh

wosi däh Schtrand gseh hebi im Kattalohg

hebi de Schtrand ganz anderscht usgseh

vill schönner dah uf derä Fotti gsechimers guet

es hebi überall grossi schlüpfrigi Schtei gha

si hebid sofort en veruckte Schtriit überchoh

iren Mah segi ja gschuld gsih är hebi diä Färie

uhsgläse si hebids gnoh wills e so billig gsi segid

är hebi nüht gseit wonär si soh ghört hebi

aber er hetti gärn gseit dass si ja vo irem Mah

nid chöni erwarte daser de ganz Schtrand

wäggtransportieri und Sand us Afrikka häreholi

si chöni inn soh blöd häreschtelle

das inn ale Geischt verlös

är hebi dänn gahr nüht me im Chopf

und machi dänn erscht rächt

en total blöhde Ihdruck

und si erreichi dänn dahs

wosi hebi welle erreiche

de evoluzzionäre Sinn vo dere

Geischtuhstrihberey ligi darin

das är dänn als Idiott ganz ire ghöri

das är soh bi känere me chanes Interässe

hervorrüefe idemm Zueschtand wonär dänn segi

segi är würkkli zunüht meh zbruche

zu settige Mittel griifid dWiibli

im Gschlächterkampf so chönid si verhindere

das är sin Sahme na nöimet anderscht

chöni deponiere

wännär frey chönnti über sin Geischt verfüege

dänn währi dahs vilicht toch zbefürchte

und ahgsichts vo gwaltigä Kommplikazziohne

wodahs chönnti gäh

mösi är froh sih

dass sis immer wider schaffi

inn unnmöglich z mache                                

werum hätt si sich so uffgregt

werum isch si nach Berlin und Rohm

und werum hätt si sovill tumms Zühg gläse

und dahs ales glaubt wo si gläse hätt

dah mues mer ja verruckt wärde

wämmer soh läbbt wämmer immer glaubt

dass s dritte Riich wider chunnt

und wämmer sich mit Schriftschteller

zämetuet mitt Problehmmänsche

wo mitt sich sälber nid zrächt chömed

und wämmer nid weiss ob mer all dahs

glaube söll wass si säged und schriibed

si hätt gwüsst dass nüht useluegt

im Innerschte hätt sis gwüsst und isch

doch immer debih gsih bis zum Schluss

aber dahs passiert na villne 

 

Erplani
Dheruhsgab
Vonärä
Kataschtrofäzihtschrifft

Ertänki
Immübrige
Dases
Zändgah
Wärdi