är wetti gärn wüsse

was de Kleischt

i sine lettschte vierzä Tahg

gmacht hätt

er hätt e Frau gsuecht gha

für en gmeinsame Freitohd

und diä Frau au gfunde

hütt würmer sicher au na eini finde

es würded sich sicher vili mälde

uf es Innseraht hi

bimm Kleischt hätt sich damahls

sofort eini gmäldet

und mittim na vierzä Tahg

imäne chliine Hottel gläppt

am Rand vo Berlihn am Wannseh

är segi we de Kleischt

immer wiit

vo allne wägg

mer wüssi sehr wenig

über de Kleischt