er läsi iezz
tanabaasiser glaubi
er segi sälber
uff sonere anabaasis
uff somene schwirige Rückzuug
nachere verloorene Schlacht
nacheme schöissliche Verraht
wiit wägg vo aller kultuur
und allere zivilisaziohn
zmizzt in asie
nacheme monatelange vormarsch
möser sich iezzt zruggziäh
über gebirgspäss
unzzich schtändig verteidige
gäge wildi bärgvölker
öberächt sis
trapezuntt
na erreichi
und dankopfer darbringi
und öberächt dänn glaubi
sis zihl erreichzha
obwoll dschwirikeitte
vermuetlich erscht so richtig ahfangid
ztrapezuntt
Keine Kommentare:
Kommentar veröffentlichen