wänn iezz di allgemeini Wehrpflicht appgschafft wärdi

wärdi au viles andere appgschafft under anderem
d Chriegsdienstverweigerig
dadermit göngi de Wält öppis verlohre
är erinneri sihch a Zihte wos Fraue ggäh hebi
wo nurr mit Chriegsdienstverweigerer hebid chöne schlahfe
schöhni Fraue mit langem Haar bis zu de Hüffte abe
är sälber hetti wägedemm fascht de Chriegsdienst verweigeret
segi aber dänn doch au ohni dahs zu guetem Sex choh