er hätt jetzt efeimal ales wele regle
bezüglich siner Bärdigung
er häzz nid wele drufabchoh lah
dasen Blödsinn passiert
er hätt beschtimmt
dasmer en Organischt und Sänger
us Italie choh laht
im Jutub hätter däh entdeckt
en ticke junge Ma imene Tiischürt
dä mösimer choh lah
ganz glich wases choscht
und woner grad isch
dä sölls Requiem spile und singe
mit sinere tüfe wunderbare Schtimm
wo so schön isch
dasmer grad glaubt
dases Ängeli gitt
wonin in Himmel ufe träged
in paradisum
und dasen deht Märtirer empfanged
und en Engelschor wansinig schön singt
wunderbarer rüerender
als ales was je uf de Ärde
gsunge worde isch