woner über de Weisehuusplatz gloffenisch
hätter widder möse

a diä Frau tänke

diä höchscht beunruhigende

diä allarmiäränd attraktifi

wo dozmal

vor unngfär vierzg Jaar

ufem Bänkli gsässenisch

uff demm Bänkli wo rundumen Baum

bout wordenisch

er häzzi kännt

si ischimm sonderbarerwiis

scho hiuntah erschine

mittirem enorme höche starche Buse

er häzzi vo obenabe gseh

vo de Terasse uhs

woner gässe hätt

au mitteme andere Wunder

aber nid mit somene grosse

we imm deht une erschinenisch

au mittere Epifanih

aber nid mitt sonere grosse

wäge de grosse

hätter dänn fascht kei Luft me überchoh

wäge de grosse

hätter tänkt

es segi sicher es Zeiche

es segi sicher en Hiiwiis

uf veruckti Möglichkeite

ufes veruckz Glück