was tobez
was schrejez
was schpinez
was bildezesich ih
was mischezesich ih
was ischene wider nid rächt
was begrihfez wider nihd
was probiärez
was tröimez
was sizzez

er gsechis
er gsechs so halbe
und dänn gsechers widder nüme
und vergässis
es segi unngghühr
wasähr ales vergässe hebi

emal seger äxtra hi gange
umz gseh
we si ali tumm sind

 

ischsi ächt glücklich
ichamers nid vorschtelle
dassi glücklich isch
under dene Ummschtände
chamer nid glücklich sih
aber vilicht stellzzisich
diä Frahg garniä
es isch besser
wämer siihch diä Frahg nid schtellt
wämmersi schtellt
chunntmerdoch immer zumschluss

merchönnti na vill säge
merchönntidah nameh kommentahre abgäh
unttänn chömid sofort wiihteri Frahge
undes gebi daderzue na tuhsig sache zsäge
und diä tuhsig sache füegid sich amänd
zumene grosse Bild
zumene usserordentliche Bild
zumene phantastische Bild
es formi sich so ales
zu eim grosse ihdrückliche Ganze
zu eim einzige unnghüre Sumpf
wobi mer nid meine mösi
er weli dadermit öppis Negatifs säge
en Sumpf chöni öppis Interessannz sih
imene Sumpf gebis vilicht
di wunderbarschte Blueme
di chrefftigschte Chrühter
di schärffschte Greser
di sältenschte Tiär
Libäle, Chrött, Wasserflöh,
chlini schwarzi Schlängli
Schnägge Schpine Schmätterlinge
dahs därfimer nid vergässe

 

und daderzue wäri aunazäge
und im übrige wäri auna zberücksichtige
er wetti gärn na ergänze
und mer mösi bialldemm auna bedänke
undes segi dadermit nanig ales gseit
wobih mer na viles chönnti säge
wobih mer nid meine mösi
und mer tärfi niä vergässe

 

Er verträgi das ales nüme
es mössti au für Lüht wenär segi
e Triggerwarnig gäh
vor jedem Täggscht mit Doppelpünkt
odder überhaupt vor jedem Täggscht    

es segi
wet Arbet
vomene Archäolohg
wo ali Wuche
en Schärbe fintt
aber nid vomm glihche Gfähss
undwo diä Schärbe
nid chönn dattiäre
und nid wüssi
wohär si chömid

onäpärdü
onäfutü
onwamurihr
ssissa ggonnttinü ggommssa

 

 

es gebi Gottlosi uf derä Wält
und Sünnder und Läschterer
untti Gottlohse bildid en Raht
wosi iri Plähn und Projäckt berahted
untt Sünnder beweged sich ihfrig
und gönd iri eigne Wähg
untt Läschterer läschtered
sizzed am Bode im Kreis
aber di Gottlohse chönid nid beschtah
untt Sünnder wärdid zerströit
untt Läschterer göngid kabutt

ässggössäpossibl
disentills
ässggössäpossibl
ggö ssa exist

 

es gebi Schtrucktuhre
wo di Tumme tögid neutralisiäre
und gwüssi Länder segid
so glücklich diä Schtrucktuhre zhah