iezz gömmer
dänn na
uf Ruanda

 

 

si sind in Wald

mit irne Wimpel

und Fulahr und

Fulahrring und

Pfadigürtel mit

Pfadischnale mit

Pfadililie und

mittem Pfadihuet

und mittem Chochchessel

wos im Matteriahlmagazihn

gholt händ und eine hätt gseit

das i demm Wald grad letschthihn

wider es Chind ermordet worde-n-isch

und wos en Mah gseh händ

wo elei im Wald gschtande-n-isch

hettezi gärn d Polizej gholt

zzach göng

über irenn

Verschtand

 är tuät mär immer
alli sini chliine
Gaunerstückli bekännä 

 

 

und jedä hebi

es Gheimnis

woner nid sägi

äsgruhsätteim
jessesgott
gruhsätahseim
lueg
wasdahwidder
verbiihlaufft

ärischjaimmer
villinnferie

 

dänn ischsi na itt Kafibahr überechoh
und hätt gseit
zwee Wuche segid ire eifach zwenig

dassegi
sozimmlich
sgruseligschte
wonersich
chönivorschtelle

 

er hebi öppis gläse

unttänn heber grüeft

dasisches

genaudasisches

aber s hilft nüht

wämer weiss

dases dahs isch

s isch sogahr besser

wämmers nid weiss

 

är hebi vomene Ahlass tröimt vomene Fäscht

es segi vill lohs gsih uf villne Bühne

und si hebid überahl zwo Minuhte zueglueget

und überahl segid Lüht umegloffe und hebid

au öppe zwo Minuhte zueglueget am ändi

segiz na zunere Bühne choh wos Wienna Ahrt Orchestra

gschpillt hebi imene Hohf une wo na Liferwäge

umegfahre segid si hebiz nur vo obenabe gseh

si segid ufere Therasse gschtande und hebid

mit andere Lüht übers Gländer abeglueget

une im Hohf segid na Zuehörer gsässe

nid diräkt bi de Bühni zue sondern devoh echli ewägg

und d Schtuelreihe hebid nid zur Bühne hi glueget

sondern nach rächz und d Lüht hebid de Chopf möse dräie

wännsi s Wienna Ahrt Orchestra hebid wele gseh

 

 

werumm lönd sich ali soh zum Nare halte

werumm hänzis bewiliget und nid eifach verbotte

sisch wäge de Mehrheit

si händ hütt kei Mehrheit me

sondern si sind i de Minderheit

unt Mehrheit bewiligez ebä und hätt Fröid drah

und märkt gahr nid genau was passiärt

wichtig isch das überhauppt öppis lohs isch

das irgendwelche Projäktgruppe öppis mached

irgendwelchi Uhsschtelige und Akkziohne

womer dänn a de Eröffnige erschiint und

enere Ahschprach zuelosst und es Glas Wiih trinkt

und en churze Rundgang macht unz guet fintt

ä wämer nihd druhs chunnt und eim di vile Commpjuter

echli schtöred

imm gfali übrigens s Wohrt Blöhdsinn

es hebi so öppis heiters

es erinneri inn a öppis wo blüet

mer sägi ja nid umesuscht au

es segi en blüejende Blöhdsinn

 

är hebi

nid nuhr

Angscht

vor demm

wodi andere sägid

är hebi

au Angscht

vor demm

wonär sälber sägi