essegifaschtnid
uhshaltbar
wewenigimmer
useluegi
essegi würkli furchtpar

wassfüreveruckti
Tüchigkeit
wassfüre Schönheit
wohi gahziiezz
woh schaffezi
woh schtudiärzi
was häzziächt
gschribe diganzziht
e ganzi Schtundlang
wemmhäschgschribä
schwarzzelockechopf

 

mer setti sihch nid schühche

bi de Beurtteilig vo gwüsse Fänomehn

e pessimistischi Grundhaltig ihznäh

es wäri nüht als richtig wämer bi alem

immer voreme schlächte Uhsgang würdi warne

es göngi ja soh vill schlächt uhs dahs

gsechimer wämer Ziitig läsi es nüzzi nüht

wänn i de Leitig vomene Inwestmäntfon

zweh Nobällpriisträhger sizzid däh Fon

chöni gliich uf e blöhdi Ahrt zgrundgah

und mösi mit föif Miliarde gschtüzzt wärde

demit nid na schlimmers passieri hebi er

iezzt möse gschtüzzt wärde er frägi sihch

was passiert währi wämmeren nid gschtüzzt

hetti öp dänn ächt drissg Miliarde oder

füffzg Miliarde verlohre ggange währid

er hebi hütt fascht nur Güezzis ggässe

zerscht zum Zmorge en Nuss-Schtängel

eine vo dene ticke grohsse Nuss-Schtängel

wonär so gärn hebi er glaubi mer chönnti

problehmlohs läbe wämer pro Tahg eine

vo dene Schtängle würdi ässe soh nahrhaft segiz

echli schpähter heber dänn en Schpizzbueb ggässe

en grohsse d Frau hebi imm däh heipracht so grohss

wenen Chueche seger gsih sicher so grohss we

vier chliini normahli Schpizzbuebe also au vo demm elei

hetter sicher en ganze Tahg chöne läbe iezz heber aber

nah wiiteri gueti Sache iezz heber na es Schoggi-Igeli

vom Eichebärger dahs segi sini Lieblingspattisserih

diä segid ganz wahnsinig guet si gsechid allerings

soh härzig uhs dasesinn immer echli überwindig choschti

sih zässe und iezz heber au na en Appezäller Biberflade

woner ade Hundertfüffzgjahrfiir amene Schtand kauft hebi

und erschtna chliini Prüssiän vo de Migro und auna

zwei Schoggene also es göngi imm wideremahl seehrguet

d Prüssiän segid allerings scho drei Tahg offe und

warrschinnli nüme richtig knuschperig sondern echli weich

vilicht sinnz zimmli gruhsig und mer mösis furttrüere 

 es göngi iezz

oni Zwiifel

am änd entgäge

das gsechimer

au wännmer

nid Profeht segi

wasmer na chöni mache

segi z probiäre

sihch nid uhfzregä

mer mösi sihch

demitt appfinde

dases unnahgnehmi Gfühl

uhslösi mitteme Appschtihg

segid nun eifach emahl

negatifi Gfühl verbunde

mer selis hihnäh

als öppis Nattührlichs

ganz psunders wämer en gwüsse Grahd vo Inteligänz hebi

mer seli dahs nid so trahgisch näh mer seli degäge

Technikke ahwände Truurtechnikke soh wemer ja au vili anderi

Technikke erfunde hebi

um verschidenschti widderwärrtigi Sache

z bekämpfe so mösimer iezz d Truurgfühl bekämpfe

d Depressiohne si ghörid zu öiser Nattuhr

si segid nöhtig gsih und chönid iezz

nid eifach nüme dahsih 

 

 

si händ lang drüber nahtänkt

und dänn händs entschide

si tönd soh
we wänns Geischt gäh wühr
si meinid
dass das wassi hebid
Geischt seg

de Schtress wonen Mah bim Ihchaufe empfindi

entsprächi em Schtress vomene Piloht

vomene Kampffluggzühg

imene Kampffihsatz  

diä Lühgerej

segi unnghühr

si segi tottahl

si hebi es Uhsmahss ahgnoh

wo chuhm me erträglich segi

aber niämert weli öppis säge

niämert weli si uhfgäh

niämert chöni si uhfgäh

obwollmer fascht übereschnappi

gebimers nid uhf  

 

Wihsheit segi nid umbedingt

öppis Erschtrebenswärz

Wihsheit segi Egoismus

höchschten Grahdes

Wihsheit bedühti dasmer sich

appschlüssi und verappschidi

und weli oni Schmärz sih

oni Lihde aber dahs göngi nihd

mer mösi lihde und lihde sueche

und Wihsheit chönnti alefalls

darin beschtah das Lihde

immer genau z berächne