gib es Vierzueis
gib es Zweizunull
gib es Sibäzunull
gib es Hundertzunull

ich weiss nihd
öb das Wort interessant
s richtige Wort isch 

wägem Protokoll

vom Gschpräch hütt

we wämmer dahs mache

es hebi d Schüeler fascht vetäscht

vor Lache wonär Schuelschtunde ggäh hebi

e Schtellverträttig hebi är gha

inere Randschtund amm Morge-n-am Sibni

i Kunschtgschicht es segid nur wenig gsih

nur öppe föif er hebi allerdings nid gwüsst

wevills hettid selle sih vilicht

sind di meischte gahr nid choh

über de Eggsprässionismus heber grett

und hebi Dia zeiget Fraueporrträzz

und dah hebis diä Schüeler fascht vetäscht

si hebid ununterbroche s Lache vetruckt

und hebid ganz rohti Grinde ghah

voralem a eine töger sich erinnere

däh segi nähch binere ganz Hüppsche gsässe

und hebi gflüschteret und Wizze gmacht

sodass diä Hübsche überhauppt nihd

hebi chöne zuelose und totahl appglänkt

gsih segi und sihch au gärn hebi ablänke lah

sih hebi debih au en rohte Chopf überchoh

und är hebi en unnwarrschinnlich höche

Schtundeloh ghah esone Schtund segi

fanttastisch guet zallt gsih öppe

sibezg Franke heber überchoh dahs segi

öppe zählmahl meh gsi allser bi de

Sekkuritass überchoh hebi de Summer duhr

seger nämmli dänn bi de Sekkuritas gsih

und hebi als Nachtwächter sini Runde gmacht

z Ammschterdamm

segiz au imene Kino gsih

wosis fascht nid händ chöne glaube

wonine d Plazzahwihseri gseit hätt

si segi au für sih peraht wämmer weli

chömi si zu eim an Plazz häre

oder wämer liäber diä hebi

wo a de Kasse segi dänn rüefi si diä

und übernemi d Kasse sälber

öpps ächt das Kino na gitt hütt

oder öbbs iezz deht e Buttigg hätt

oder en Schnällimmbiss dahs wüsstiär gärn

es veränderi sich vill es gebi viles nüme

wos früener gäh hebi ganzi Schtattviertel

wärdid saniert und segid nachhär nüme

zerchäne es wonid nachhär überahl Nöirichi

es segi verloge gsih

wasär ire gschribe hebi

ales seli schlicht und klahr

und rein sih heber gschribe

was nattürli nid gschtimmt hätt

ales schlicht und klahr

und rein zwüschet öis

dahs isch nur Blöhdsinn

öppis Dämohnisches

hebi inn ergriffe

hätter ire gschribe

mer chas iezz nahläse

es isch iezz publiziärt worde

er hebi nattürli gwüsst

dases verloge isch und ghüchlet

aber er hebi nid anderscht chöne

er hebi möse häresizze und

ebä genau dahs schriibe

er segi sich debih hunzzmiserahbel

vorchoh und hebi drumm zur Kompensazziohn

au e hunzzmiserahbli Filosofih entwicklet

es sind niä ali dah

wo settid dah sih

es isch meischtens

immer nur eine dah

oder mängmahl zwei

si sind aber viär

es woned viär dah

und es settid viär dah sih

demitts richtig schöhn isch

wänn ali viär dah sind

isch d Wält i de Ordnig

dänn bini erscht ganz ruig

und schnurre voll

dänn muesi nid Angscht hah

das eine verschwunde-n-isch

und nüme chunnt

dänn bini immer umm si ume

und luege und lose und ali

rüefed mer und reded mitt mihr

und lupfed mi uhf und trücked mi

und schtreichled mi und säged

dasi di wunderbahrschte Chatz bin

di schönscht uff de ganzze Wält

di unnvergliichlichschte Chatz

es richtigs Chatzewunder