esischgliichgsi
dassinidhättchönechoh
erischfaschtfrohgsi drüber
dänneshettijadochnüht
useglueget
eshebijaniä
öppisuseglueget
undiezzsegissowisoh
zschpaht

erhättnidchönechoh
wileren schwächeahfall ghahätt

ssettätt

än nischeriähn

allor

än nischeriähn

nohnoh

ssettätt än espanjoll

schettä awägg en espanjoll

illettätespanjoll

wiä

wunnderbahr

heber grüeft

wiä

wunnderbahr

er weli ine na tanke säge

fürs Mittagässe

es hebi warrschinnli a di füffzg Francke koscht

zerscht en gmischte Salaht und dänn

Zürigschnäzzlez mit Röhschti e Porzziohn

und e ganzi Fläsche auschtrahlische Wih dezue

dahs hebizih imm zallt

als Schtührzaler hebizzimm dahs zallt

mitt irrne Schtühre unden Tessähr

heber auna gnoh wo de Tessährwage choh segi

heber zuegschlage und grad vo zwei Schüssle

öppis gnoh vomene Himmbehrmuss

und vomene Wihssi-Schoggelahdemuss

er hebi nid gwüsst wevill dahs koscht hebi

vilicht segid zwei Porzziohne berächnet worde

zweimahl acht Francke dahs gähpti

sächzä Franche er hebi asi tänkt

woner dahs ggässe hebi

är ässi sih zalid heber tänkt

es hebi übrigens e grohssi Rächnig ggäh

är segi ja nid de einzig gsih

aber nur ruig

kei Uhfregig bitte

vilicht isches ja

di beschti vo allne Wälte

vilicht chönimersi

uf kei Ahrt verbessere

und wänöis öppis inn Sinn chunnt

wo chönnti besser sih

so wärs i Würcklichkeit e Verschlächterig

mer chöni vilicht nid s Gringscht ändere

und mer mösi genau soh läbe

genau i derä Schpanig

genau i demm Unnglück

genau i denä Entbehrige

genau i denä Enttühschige

dahs hätt im übrige au scho de Göhte gmärckt

Entsägig häzz bi imm gheisse

mer mösi entsäge hätter tichtet

mer wärdi erscht Mänsch ider Entsägig

s Entsäge segi s Wichtigscht hätter gseit

au wänn ali gsühfzet händ debih

dulde hätter gseit dulde und entbehre

dahs wärdi gschezzt

als Chind hebid si

uf de grosse Wisä bidä Chilenunà

hühfig de Rekkruhte zueglueget

vo denä Rekkruhte hebi mängmahl

eine eifach prüelet

oni dassi gwüsst hettid werum

nur willmer echli Umeräne mues

und will schtändig eine befole hätt

vorwärzz Maarsch oder Achtung Schtett

muesmer sicher nid grad brüele

Achtung Schtett häzz immer wider gheisse

und dänn hänzz mösi schtill schah

und händ sihch nüme tärfe bewege

vilicht hätter prüelet

wiler sich nüme hät tärfe bewege

är hätt sich nidemahl tärfe Trähne appuzze

Göifer segi öppis vomm Grusigschte

wänn öppis vergöiferet gsi segi

und es segi schnäll öppis vergöiferet gsih

wänn öpper usere Fläsche trunkke gebi

zum Bihschpihl dänn segi diä Fläsche

vergöiferet gsih dänn heber nüme chöne

us dere Fläsche trinkke

er hebi mängmal au äxtra öppis ahgöiferet

demit di andere öppis nüme hebid chöne ässe

aber dahs hebi nid immer gnüzzt

es hebi settid ggäh

diä hebid au öppis Ahgöiferets ggässe

das segid di weniger Entwicklete gsih

öpper Höcherer ässi nüht Ahgöiferets

dänn es göngi dah um e nattürlichi Reackziohn

vo uf evoluzzionährem Wähg erworbe worde segi

und wär diä hebi mösi sihch nid schäme

sonder däh chöni imm Gägeteil schtolz sih druff

log er göiferet

log wener göiferet

werum göiferisch so

es isch ja ales vergöiferet

tue nid eso göifere

las doch de Göifer nid eifachso use

schlucken doch abe

chaschen nid abgeschlucke

ssä biän ssa

wala wala

on i ä

ssä fä

wääläähh

ooh

wuiwui

ssetä biän

on etäh biän

dongg

anfän

ggäsggätupans

Echli Goldglanz



Es isch iezz dänn bald fertig

hätt sin Vatter gseit

es isch iezz dänn bald fertig

tänkter iezz au

es isch iezz dänn bald fertig

mitt demm Irrsinn

es isch iezz dänn bald fertig

mitt demm Blödsinn

es isch iezz dänn bald fertig

mitt dere Schuumschlegerey

es isch iezz dänn bald fertig

mitt dere Niddertracht

es isch iezz dänn bald fertig

mitt demm Affetheater

de Tüfel wirt öis hole

aber vorhär

vörhär

wetter doch na

wetter doch na öppis mache oder gseh

wetter doch na öppis Ordentlichs tänke

nid immer di gliiche tumme Sache

nid immer nur a Grossbusigi

nei a nöis

und wämmögli

über alem so öppis we Goldglanz