s Singe segi vilicht nures Betohne

bimm Singe fülimer Wöhrter mit Bedühtig uhf

bimm Singe machimer öppis us Wöhrter

wo eim normahlerwihs ganz unnschihnbahr tunkid

zum Bihschpihl s Wohrt eferissing oder s Wohrt nassing

inn berüeris immer am meischte

wännsi uf e nöji Ahrt uhsgschproche wärdid

am Schönnschte segis bi ganz chlihne Säzz

womer tänki mer chöni dah nüht ahfange demitt

wo de Künschtler aber zum Lühchte bringt zum Funkkle zum Bräne

und soh gebis us wenige banahle Buechstabe

efeimahl

en Wansinnszauber

singe segi

verzaubere

singe segi

verwandle

singe segi

verbessere

Liäbi

hebi vill

mit Religiohn z tue

Liäbi segi wene Religiohn

mer vereehri öppis Verborgenix

mer vereehri öppis Lihdenz

mer bätti e Gottheit ah

dahs gsechimerjascho im Hohelied

deeht göngis au um Unnerreichbahrs

deeht wärdi au verzwihflet gsuecht

mer meini immer dases chömi

aber es chömi dänn doch nihd

oder wänns würkkli chömi

wasja vilicht mögli währ

wänns würkkli chömi

dänn segis am beschte wämer verschwindi

und zwar so rasch als mögli

dänn mösimer devohräne

so hebizes im Hohelied dahrgschtellt

mer mösi ales chöne läse

mer mösi ales chöne gseh

mer mösi überahl chöne sih

mer tärfi nid uhfgäh debih

mer seli an Göhte tänke

allen Gewalten

zum Trutz sich erhalten

heber tichtet

nimmer sich beugen

kräftig sich zeigen

rufet die Arme

der Götter herbei

unodoss

unodoss träss

nei nei nei

dahs isch nidsoh

dahs isch ganzzanderscht

iezz muesch de Blinker stelle

häsch de Blinker gschtellt

wasi komisch finde

isch dass sich de Adalbert nüme mäldet

I wüsst nid

was ich imm z Leid tah han

er isch nattürli kän einfache

janu isch ja gliich

ich hanen na en glatte gfunde