Habibi

heissi

uf arabisch

Liäbschti

oder Liäbschtä

Habibi chunnt vill vohr

i irne Liäder

mer mues nur gnau lose

i dene ändlose langfädige

Gsäng tauchts immer wider uhf

es tönt meischtens zimmli dramatisch

Habibi rüefez wiä wänn ales

vo somene Habibi abhange würdi

är chöni sich dahs gar nid vorschtelle

dass dah überhaupt vill Gfühl

chönid vorhande sih dä Habibi

sizzi ja nachhär nur im Kafi

und lösi d Fraue dihei chrampfe

und losi de Gsäng zue im Radio

diä Ziit wosisich Habibi sägid

segi extrehm churz tänki är

im Unterschihd zu öis wos doch

mängmahl echli lenger gaht