Esisch

Widderöppispassiärt
Wohöchscht
Beunnruhigendisch
Schtärbeglöggli
Hebiglühtet

Sisegid

Ufnöiseeland

Gowanderä

werumm tuet

si soh

wie wännsis

nid märke würdi

märkttsis

würkkli nid

oder märkttsis

und ischsi

so gschiid

dassi soh tuet

wie wännsis

nid märke würdi

ischsi

so gschiid

wännsi so gschiid wär

dänn wärs zimmli

unbegrihflich

dänn wärs unnbegrihflich

es unnbegrihfflichs

Wunder wärs dänn

Dännsägedmerhalt

Essegi iezzesoh
Merchönid
Nidanderscht

öbsis

überhauppt
märke
chöni
dahs mösimer
sich natührli
au frähge
är glaubi
dahs sis
märke chönnti
dahs mösimer
doch märke
aber vilicht
tühschi är sich
mer chönis möglicherwiis
nid märke oder
wämmers märki
dänn chönimer
dahs womer märki
nid verstah
oder faltsch verstah
vilicht verstöchi
sih ales ganz faltsch
warrschinndli

Ersegi

Machtlohs

Erchöni

Nühtmachä

Essegi

Uhssichtslos

 

är hebi iezz

e Zittatsammlig aagleit

är sammli Zittat

är hebi scho bald tuusig zäme

es segid alles Zittat

vo grosse Filosofe

und Tichter und Tänker

und suschtige Geischtesgröhsse

es segid ales Sache

wo beihdruckend segid

är hebi si gsammlet

umm beihdrucke zchöne

är liidi seer drunder

dasär nid so zur Gältig chöni cho

i gwüsse Sittuazzione

är wetti gärn chöne überrasche

mit suppergschiide Wändige

är wetti gärn chöne fessle

mit geischtriiche Bemärrkige

är hebi immer s Gfühl

dasär seer uninteressantt segi

derbi segi är warrschinnli

eine vo de Interessantischte

aber es gebi niämärt

wo dahs märki

au diä

für diä

ali diä Zittaht

beschtimmt segi

märkis nid

oder tögi soh

wie wänn sis

nid märke würdi

är wärdi

immerumetirigiert

vommorgebisamabig

immernumenumetirigiert

komisch segi dahs

und mängmal

faschtnid zumuushalte

dänn aber wider

verruckterwiis

mitteme Gnuss verbunde

däh Gnuss bestöchi darin

dasärdas uushalti

unttasesim nanig

ufde Magä gschlage hebi

är hebi offebahr

enusserordentliche Magä

andere mösimer isonige Fäll

d Galeblase usenäh

er tänki dass di meischte Lüht zwenig tänkid

er tänki das für di meischte Lüht ales im Dunkle blihbi

er tänki dass di meischte Lüht durs Läbe göngid

oni jeh z begrihfe was passieri

si tänkid soh wenig dassi d Wält i dere si läbed gahr nid käned

imm göngis nid vill anderscht

au ähr tappi nur im Dunkle

und gsechi überahl wonähr härechömm

 

na wihters unbekannz Land    

Nei d Höchi macht mer nüht

Au ufem Gornergraht

Hättmer d Höchi nüht gmacht

Undidä Andä au nihd

I de Andä simmer zäh Tahg

Immer über viärtuusig Meter gsih

merrmöndöis

immklaresih

dassdahsimm

höchschtägrahd

lächerlichisch