Sisizi gärn

Mitteme Glas Wih

Imm Lähnschtuel

Und läsi Zihtig

Am beschtä segis aber

Wänn dä Lähnschtuel

Imänä Flugzühg stöndi

Ewerissing

Ewerissing

Är hebi das Wohrt immer gliäpt

Scho Sämmssing segi schöhn gsih

Aber Ewerissing so richtig wundderbahr

Es hebi mängmahl so uhsgseh

Wewänn ales möglich währ

Mittäm reisä mittem Gält

Au mittärä Frau

Ewerissing segi emahl möglich gsih

Iezz aber

Hebber grad zweimahl einä ghört

Eine wenär

Eine wo wenär scho lang uffdä Wält segi

Enn Gebildätä

Mitt vill Erfahrig

Scho zweimahl hebbers ghört

Ewerissing is going wrong

Hebbezi gseit

Ewerissing is going wrong in dis Känntri

 

blöhder

chamernizzih

es gitt Lüht

diämär nid gärn

i de Reisegruppä hätt

es gitt Lüht

diäwänd nid mitteim redä

diämeinid sisegid

öppis pessers

diä göndeim ufd Närvä

mirhändhalt gärn

kontaktfröidigi Lüht

aber Schätzli wäri für sih

nizz richtig Wohrt

hätter tänkt

Schätzli segi ja e Verchlinnerig

für sih wührer

Vergrösserigsforme

ahwändä odder erfindä

wänner derzue cho wühr

zum Bischpihl

inntergallaktischi Schöhnheit

aber er chömi ja nümä de zue

dä Theescheewee isch nämmli

ihgfahre i Paris

dä Theescheewee Nummär

drühdrühsibbäzwei

isch pünktlich ahchoh

am drizzäni einäzwänzg

im Gahr dö Lionn

Dasischdas

Wonidganz

Suuberisch

Mer mached Sachä

Womer eiggettli nid macht

Mer gönd anen Schtierkampf

Anä gorrida

Mer sötti

sich fräge

wie das

möglich gsi isch

Aber das frägi sich niämärt

es nemid alli ah

das dahs sälbverstänttli seg

debih segs

nid sälbverstänntli

 

sondern de gröhschti Wahnsinn  

Was mer erwarti

vodemm Taag

das frägi er sich

vodemm Taag

chöni mer nüht erwaarte

dä Taag segi nämmli

Finnschterniss

und nid Liecht

es wärdi sih

wiä wänn öpper

voreme Leu devoränni

diräkt inen Bähr ine

es wärdi sih

wiä wänn einä

isis Huus ine göngi

und sich appschtüzzt

und inn dänn e Schlange bihsst

so wärdis sih

und doch gebis

unbegriiflicherwiis Lüht

wo wettid dass dä Tag chähmti
 

es segi zum wahnsinnig wärde

Tschwiiz

segi für inn

immer öppis gsi

wo usserhalb vode

Gschicht gschtande segi

und Tschwiiz

stöchi für inn

au iezzna usserhalb

vode Gschicht

är tänki dahs und sägi dahs

auwämmerinn defür am liebschte

würdi theere und fädere

es segi doch s Bescht

usserhalb vode Geschicht zschtah

öb mer öppe welli ide Gschicht stah

wär das welli

däh wüssi nihd

wases heissi

ide Gschicht zstah

däh segi eine vodenä

wos luschtig findi

wänns bärgapp göngi

Esgittlüht

Diäwändois

Sreisä verbühtä

Esgittlüht

Diäwettid

Merwärid

Tohd

Zusbekischtahn

Hebez en heiler psuächt

Unzzchina

Enn scheidixprozäss

Wills en Jurischt

Idä Gruppä ghah hätt

Wodahs ineressiert hebi

 

vor e paahr hundert Jaahr

hebis vor jedärä Statt

en Galge gha

so wiäs hütt en Vittaparcuhr hebi

und es segid sicher immer

e paahr am Galge ghanget

oni dass öpper

umegschtande segi und

proteschtiert hebi

es segi immer

sone Hezzerey

aber mer chömi

biall dere Hezzerey

dänn doch zu nüht

es segi wiänän böhse Zauber

es segi wiä verhäxt

mer kwähli sich nuhr

für nüht führ nüht und

wider nüht und wämmer chlagi

dänn würkis nur lächerlich

es glaubis sowiso niämärt

jede glaubi de ander

hebis ganz schöhn

aber es grochsid ali

und schtöhnid ali

und es chömid ali

ine schlächti Luune däbih

es segi zum verzwiifle

es sühfzid ali

aber es chömi niämärtäm

inn Sinn öppis zändere

är glaubi fascht

das ali dä Zueschtand wellid

das ali dahs welid

genau so welizzeshah

äs segi dahs vermuettlich

än anttropolohgischi Konschtantte

oder vilicht au

irgend ä böhsi Muttazziohn

Dänn simmer deht ufä

Dänn simmer deht abä

Unddänn häzzen Zvieri gäh

Merhänzz nid erwartet

Dass diä öis chönd

En Zvieri machä

är tährfi sich niä Läservorstelle

wännärsich Läservorstelli

dänn chöni är nüme wiiterschriibe

undau nüme wiitertänke

aber är mösidahs säge

wienän Profeht

au dProfehte hebid müese rede

öpsis nun hebid welle oder nihd

si segid zum rede zwunge worde

nid voneme Gott nattürlinihd

sondern vode Verheltniss

vonärä unnbegriiflichä und

unnbarmhärzigä Natuhr

wodiä Rehde ine abprässt hätt

wodahs usine usedruckt hätt

wode Gmeinschafft vomänä

evoluzzionähre Nuzze gsi isch

diä Gmeinschafft hebi dahs

aber niä gmärkt sihebi im Gägeteil

diä Profehte verfolgt und ihgschpehrt

aber langfrischtig segis

vo grossem Wärt gsi langfrischtig

hebid diä Völker di beschte Schannse gha

wo di gfürchigschte Profehte gha hebid