De Fritz isch usechoh

Und hätt gseit

Gibb däh Schmuck härä

 

er hätt wider götschet

er götschet immer

er hört nid uf z götsche

Me tärfi de Dilen

nid underschezze

de Dilen segi eine

vode gröschte Künschtler

wojeh gläbt hebid

de Dilen hebi

veruckti Liäder gschribe

di verücktischte

zum Biischpiil

klosches lein

deht redid irgendepaar

undefinierbahri Gschtalte

inere alte Hütte

über d Wösch

wo dusse uufghänkt isch

söll mer si inenäh

oder söll mer si

na dusse lah

si isch nid troche

si isch nur gfroore

si isch nur ganz stiif

und da häzz känn Sinn

dasmersi inenimmt

es hätt aber au känn Sinn

dasmersi dusselaht

so redids i dere Hütte

und dänn redids wider

lang keis Wohrt

nur eimal chömi

enn Nachber verbii

und sägi dass de Fizzepräsidännt

veruckt worde segi

aber dahs isch ine gliich

si säged dass dahs

nurr öppis meh segi

wosi vergässe mösid

är hebi immer tänkt

dass dahs Verhäxti segid

dass das Liäd vo Verhäxte handli

wonine bsunderi Höll cho sind

und das möglicherwiis

ali Liäder vom Dilen

Liäder über settigi Figuhre segid

si segi ja wider

ganz vertschuderet

öb si sich eigettli nid schämi

so vertschuderet umezlaufe

es richtigs Tschuderli

hättsi zur Chatz gseit

äwerum schtürmt si dänn

Diäh isch niä i diä Wonig iä

Si hätt iezz in Graubündänöppis

ihangeschter

mittäräschnäll

äninntensihvtherapih

macht

 

möge sich Gott beruhigen

er hat uns ja so gemacht

damit er sich aufregen kann

und wir sind gut im Aufregen

wir halten den Gotteszorn wach

Wenn Nietzsche Hegel
Wenn Habermas Gehlen
Wenn Federer Roddick
Wenn Hegel Schelling
Wenn Derrida Baudelaire
Wenn Salminen Hagen
Wenn Bataille Jünger
Wenn Aragon Heidegger

är beobachti dahs iezzt scho vili Jahr, 

es hebi sich nid verbesseret,

und es hetti sich doch vill chöne verbessere,

es hetti sich doch vill möse verbessere,

ali redid doch immer vo Fortschritt,

verbesseret hebi sich aber

einzig und sehr ihdrücklich

d Stellig vo de Räuberbandene

Mer weiss ja nieh

Villicht isch würkli

Öppis guets drunder 

 

Es wüssi niämärt

Wasusöis wärdi

Z Africka

segi mer de Forschigsreisende

immer üsserscht findlich begegnet

immer mittem gröhschte Misstroue

d Afrikaner hebid niä chöne glaube

daseine eifach so reise welli

inere sone apsoluht gfährliche Wält

vomer nie wüssi öbmer am Abig na läbi

dasmer dah freiwillig hih chönnti gah

dahs hebid sie nid chöne begriiffe

dahs chönis nid gäh händsi tänkt

das öpper so öppis macht

das isch ja öppis vom Schlimmschte

wo eine cha mache so i die Wildniss zgah

es isch ja für die meischte de sicher Tohd

 

d Neger händ immer tänkt

das sone Reis en ganzen bsundere Grund mösi hah

öppis ganz wahnsinnig Böhses öppis so Böhses

dass sis gar nid chönid usefinde

öppis vill Böhsers als Handel

oder de Ihchauf vo Sklave öppis Gröhssers

es Riihseunheil e Riisekataschtroffe

und si händ drumm

sowiit si dahs i irer Angscht händ chöne

dene wiisse Tüüfle gschatt

wosine nur möglich gsi isch

und si händ Freud gha

wänn wider eine ligge bliibe isch

das hätt Muet gmacht und ine zeigt

dassi doch nittso allmächtig sind

und nittso mit allne Geischter vebündet

de Freud segi au eine vo dene

wo eifach ales was ine undert Händ chunnt

irgendwie beliebig interprettierid

das gsechi mer schöhn binere Interprettazziohn

vomene Traum vomm Leonardo Davintschi

deht hebi de Freud e falschi übersezzig gha

er hebi ufgrund vo dere übersezzig ahgnoh

das de Leonardo Davintschi vomene Geier

träumt hebi debih segis enandere Vogel gsih

mittere ganzz andere Symbolik

wo zunere ganzz andere Interprettazziohn füert

sofern mer überhauppt bi Träum vo Vögel

chöni oder tärfi öppis interprettiere

de Freud hebi sinn Irrtumm spähter no gmärkt

hebi inn aber niä ofiziell zueggäh

und sini Uslegig vo demm Traum nid widerruefe

Är tänki

Daser mit Automahtä redi

Diä kä Wahl hebid

Und nid sälber chönid entscheidä

Über dahs wassi sägid

Undnurr mittem Gedankä

Chöner s Gschprähch wiiterfüärä

Sini Baggä

Zuckid scho unkontroliärt

Dass segi en tühtlichä Hihwiis

Esmösiimm

Niämärtme

Sägä

Dasmerinärär

Demokratihläbid

es hebi enn Römer ggäh

en Fäldherr sonen Fabiuss

oder Gnäuss däh segi

vo de Kartthager gfange gno worde

si hebid inn en Eid la schwöre

wonach er nach Rohm hetti selle gah

und sich deht im Senaht

für enn Rückzuhg iisezze

är hebi däh Eid geschwohre

segi nach Rohm gange

und hebi deht

mit flammende Wohrt

zum Ahgriff ufgrüefft

dänn segi är simm Eid entschprächend

nach Kartthago zrugg greist

und deht hebizz inn

langsam und grausam

gfolteret bis zumm Tohd

Är mitt sinä Zäddel

Är hebi niä öppis Rächz

Är hebi immer nur ä Zäddelwirtschaft

Verströiti chlini Zädeli

Uf denä är seinte oder sandere

Uhfgschribä hebbi

 

Fascht wedä Göhte 

 

lueg wiä diä tönd

diä tönd iezz tumm
wiä diä tumm tuet
 
wiä diä iezz tuet
wiä diä imm iezz
wiä diä inn heppt
si schläckt inn ja
ganzz app

öb imm das gfallt

öb das inn nid schtört
öb er das wott
öb er sich nid
es bitzeli scheniert

ich glaub er scheniert sich

er wett au
dass si ufhört
vilicht hört si uf
wämmer immer häre lueged

 si setti nid so tumm tue

oder wännsi tumm wott tue
so sellsi nid dah tumm tue
so sellsi nöimet anders tumm tue
nid dah imm Schwümmbahd

es rihmi sich nüht

er wartti immer druff
bi all dene vile Gedicht
dassich emahl öppis rihmt
er wetti dases schöhn würdi töhne
aber es gebi nid zwei Wohrt wo zämepassid
aber soöppis wenen Rittmuss
schtelli sihch mängmahl ih

 

Essegi

Wewänn

Diäviär

Appokalipptischä Rihtär

Erschine währid

Essegi

Wenäs

 

Gottesurteil  

verdammsi

verbländsi
verfluechsi
verschtocksi
soh wetter bätte
aber es segi nüme nöhtig
si segid scho verdammt si segid
scho verbländet si segid scho verfluecht
si segid scho verschtockt si machid scho ales faltsch

es gebi e Pattologisiärig vo de Persohn

und es gebi e Pattologisiärig vom Schtaht
und es segi nid richtig de jewihls Pattologisiärte
Tschuld zgäh ademm wo passiärt
di Pattologisiärte wettid nämmli liäber nid pattologisiärt sih
si wettid es normahls Läbe läbe we jedä
und si wettid debih nid gschtöhrt wärde
vo settige wo vilicht liäber nid wettid schtöhre
aber mönd schtöhre und nid chönd uhfhöre debih
und plahged und aheized und hezzed bises ali verjaggt

weischwasi

zumimmschreck

na usegfundäha

ihanusegfundä

was ahefftehee heisst