hütt hebi är öppis gläse

woninn ordettli überrascht hebi

är hebi e schtarchi Wändig gläse

enn entgägeächzende Liib

das hebi imm nid schlächt gfalle

irgendöpper z Wien

hebi dahs gschribe

ummd Jahrhundertwändi

imm segi nur de Begriff stöhne

bekannt gsi ächze eigettli nihd

oder nuhr uss de Mickimaushefftli

deht hebis mängisch gheisse

bimm Donald Duck ächz ächz

aber entgägeächze und dänn erschtna

enn entgägeächzende Liib

dah hebi är würkkli gschtuhnet

dahs töni doch rächt wild

dahs bruchi doch einiges

är wüssi iezz

werum ali bimm Tohd

vode Deiana

so truurig gsi sind

es segid ali

über siich sälber truurig gsi

hebi är gläse

es hebid ali gseh

dassd Deiana soh gsi seg

wiä sih sälber segid

hebi är gläse

soh mitt vile tüüre Chleider

oder wenigschtens mittem Wunsch

nach villne tüüre Chleider

soh mitt ässschtöhrige

soh ichbezoge wenes Chind

öpper wos so guet verstöchi

sich als Opfer vo de Umschtänd

z präsentiere däh chönni sicher sih

dasinn di ganzi Wält ahbätti

je wehliidiger öpper segi

umso berüemter wärdi däh

 

inn beunnruigi nuhr

dass di ganzi Wält truuret hebi

au ganzz Affricka hebi truuret

im hinderschte Busch

dahs bedühti doch

dasmer uff de ganzze Wält

irgendwie läbesuntauglich segi

Weidid

Noubädi

Siiit koming

mer mösi nur Geduld hah

es höri vosälber uhf 

Under sinä Füäss

Hebi dä Boddä prännt

Für diä Schlüsselkompetänz es Chäschtli

Für ali diä Underlahgä ebäfalls

Für diä Märkblätter

Ich channs wihterleitä

Wänn du dahs willsch

Dänn!

Au inn Fallparaiso

Unddänn derapp

Ales Nazzionalpärk

Öppä tuuhsig Kilometer

Odder meh

Dahs muesmer gseh hah

Au Mendossa

Unddä Tittigaggasee

De Nünzgjährig isch auna mittchoh

wevill dasmer ächt überchömi

wämmseim öppis aptrucked

für sones Gedicht gizz sicher

füffzg Franke nämi är ah

är wür gärn emahl öppis überchoh

für ali sini Aschträngige

öppis chenntiz doch aptrucke

es liessi sich doch vilicht

scho öppis finde öppis

wo soh harmlos isch dasmers cha trucke

ohni dases zvill läsed und ohni

dass sich öpper zfescht ufreggt

mer mössti allerings

zimmli lang sueche bismer

öppis Geignets finde würdi

es segi bi imm immer ales

 

so dänkbahr unngeignet

er hebi ire eis tätscht

er tätschi ire mängmal eis
er mösi ire eis tätsche 

häschen Tigg

jah ich hanen Tigg

ich hanen Tigg 

merchöni devohuhsgah

dasales völligunndurchschaubahr segi

füröis jedefalls segisunndurchschaubahr

füranderi möglicherwiis nihd

fürdiä woprofittiered

segivilicht alesklaar

dahs segi engwüsse Trohscht

dases Lühtgebi

irgendwelchi Schpezzialischte

Expärtte Konsalttänz Währiggsfachlüht

oder Inhaber vo Pablick Releischens Agentuhre

diä chömiddruhs oder verdienid

jedefalls enhuufe Gält

soh profitieri wenigschtens öpper

 

voderä allgemeinä finschternis

bi imm chönis vohrchoh

daser plözzli sägi

de Pinotschett setti nid verfolggt wärde

bi imm chönis vohrchoh

daser säge es segi nid immer klahr

währ böhs segi und währ guet

es gebi Gueti wo ebeso böhs segid we di Böhse

es gebi Gueti wo vilicht na vill böhser segid als di Böhse

ähr segi ja immer bi de Guete gsih und segi na iezz bi de Guete

aber er hebi immer au druff glueget dases Böhsi gebi

und wänn di Böhse nid böhs gnueg gsih segid

dänn heber immer echli nahghulfe immer sehr gschickt

es hebis niämert gmärckt waserdah pohsget hebi

und soh segid vo de Guete na vili Böhse erzüght worde

na vili Monnschtrümmer di Guete hebid immer ganz unnschuldig tah debih

und hebid tah we wänn sih verfolggt und plahget würdid

aber innsgeheim hebid sih verfolggt und plahget

und uss ganz normahle fridliche Mänsche di gfürchigschte Tühfle gmacht

bi imm chönis vorchoh

daser plözzli soöppis sägi

daser plözzli sägi soh segi vilicht au de Pinotschett entschtande

soh vilicht de Hittler und de Bohrmann und de Himmler und de Stahlin

und au de Lehnin und au de Fidellggaschtro und de Düwalieh

und de Sohn vomm Düvalieh de Schangglohd Düwalieh

und de Mobutu und we si ali heissid

es gebi janasovili

d Wält segi ja voll vonene

es gebi ja meh Böhsi als Gueti

das heissi es gebi jagahrkei Gueti

es gebi ja nur Böhsi

und di Böhsischte vo allne

segidja di Guete

bi imm mösimer uhfpasse

bi imm chönis vohrchoh

daser sägi di Guete segid imm immer

 

navill unnheimlicher als di Böhse

iri Uhfgahb segi

es positihvs Bild z verbreite

iri Uhfgahb segi z säge

das ales beschtens laufi

iri Uhfgahb segi z märke

wasmerales nid tärfi säge

und dahs womer nid tärfi säge nid z säge

iri Uhfgahb segi z märke

dass s Schtänkere nüht nüzzi

sondern ales nurrna schlimmer machi

iri Uhfgahb segi dureblicke zlah

dasales höchscht ihdrücklichi Gschtalte segid

Phersöhnlichkeite Forrscher und Wüsseschaffter

iri Uhfgahb segi z säge

das höchscht interessanti Resultaht vohrliggid

iri Uhfgahb segi immer dahs z säge wo mösi gseit wärde

 

dahs segi iri Uhfgahb es gebi kei anderi 

 

Sitt einiger Ziiht

Hebi är immer schtärker

Dä Ihdruck

Das ali toht sind

Äs passiäri immer

Wänär mit anderä redi

Zmitzt imänä Sazz inä

Wärdi imm dahs klahr

Ja

Zwihfellohs

Das isch dä Tohd

es gebi immerna vili

wo nid begriffe hebid

was iri Uhfgahb segi

Si ghörtid

Eigettli ali

Is Gfängnis

Au mir ghörtid

Is Gfängnis

Laufed aber

Immer und ehwig

Ganz frölich

Und zfridä umä

Womerdänn z Tschiggahgo

Inn Schtau cho sind 

Pfrauä segid besser geignet

Für di modärni Arbeitswält

Si segid Meischterinä im Verdrängä

Si hebid sonä schtabihli Psüchä

Si märkid garnihd

Iwass fürä verchehrtä Wält

 

Si läbid  

eshebischo egwüssitrahgick

ärwürdi sogärn öppisanders mache

ärwürdi sogärn ganzanderscht läbe

ärwürdi gärnöppis schriibe

ärwüssti sogahr unggfährwahs

ärwüssti unggfähr Trichtigahzgäh

abermeh wüssiär ebä aunihd

ärchöni nasolangnahtänke

ärgsechis nid ärsegi

nidgeschiidgnueg dezue

aber aualiandere segidja

nidgschiidgnueg dezue

diandere schiinidimm

janavilltümmerzsih

si verzellidnämmli eifach

irgendöppis drufflohs

untschriibid vilibüecher

mit gschiidetittle

wodänn alichauffed

sibringid abernüht

sihälfid nüht

siverwirrid nurrnameh

mängmal schiinisimm

dasärs besser chönntimache

wännerechli

ennschärfere Verstanndhetti

echli esbessers Gedächnis

echli ebesseri Kombinazionsgahb

eswäri vilicht gahrnidsoschwirig

mermössti nurales echlianderschtgseh

es wunderi inn

wie extrehm läbesfindlich

das Africka segi

us dene Reiseprichte göngi hervor

das käne heb chöne umereise

oni daser beschtole

plünnderet oder au ummprahcht worde segi

au wäner praktisch nüht

uff sich treit hebi

so segi är errschlage oder errstoche worde

mer hebi dänn glaubt

är segi enn Zauberer

und scho en Hosechnopf us Mettall

segi sovill wärt

dasess sich lohni

inn ummzbringe

und wänn eganzi Expediziohn chömi

so sägezi demm en dummulafong

en richtige Glücksfall

iezz selli mer sich dahs vorstelle

was dahs für Tentwicklig

bedühtet hätt was dahs bedühtet hätt

dasmer sich uf dere Wält

niä hätt chöne bewege

ohni dasmer schwer bewaffnet gsi isch

und uf ales gschosse hätt

wo echli verdächtig gsi isch

Am Mändig segis ganz schlimm gsih

Am Zischtig segis dänn besser wordä

Zalome segi dänn nittah gsih

Am Mittwuch segisi aber widder cho

Unddänn segis widder schlimm gsih

Erscht am Dunnschtig

Segis echli ruhiger wordä

Mersettisfilmä

Mertsettidahsales

Ufnäh

Unduhfbewahre

Esischales

So erschrekkend

Wosi isch zruggchoh

Häzzisich s Läbä gnoh 

d Kubahner

segid diä beschte Liäbhaber

uff de Wält dahs heissi

si verstöchid ammeischte

vo de Liäbi dahs heissi

si chönid di ganzi

Uuhssichzzlosigkeit

ammbeschte usdrücke bi ine

segi au en ummöglichi Liäbi

na sehr schöhn und glännzig

und wunderbahr untti

ganzi Hoffnixlohsigkeit wärdi

so härzergriifend dahrgschtellt

dases sehr schöhn segi und dasmer

garnid uufhöre chöni

irere Musick zuezlose

unt Kubahner wüssid

dahs ali Liäbänä

uuhssichzzlos segid

unt hoffnixlohs

Tschwiizer wüssitahs nihd

Tschwiizerine wüssid nüht vo alldemm

si hebid i dere Bezziehig nur en Huuffe

übertribni und komischi Vohrstellige

aber dahs schtöri nid wiiter

si läbid ja gliich ganz guet

sicher hundertmahl besser

als d Kubahner

 

Käss böhses Wohrt

So öpper vo härzig
Hätt gäng Gschpass gmacht   

Womerdänn inn Schtau cho sind 

es segi

irgendwiä
unnheimlich
wevill
en Mänsch
chöni sih

Achzäkarähtig

Mitt Amettischtä
Aber s Chetteli
Isch numä vergoldet gsih
Schtei hani ebänau gärn

Es sind meischtens so öppä zwänzg Lüht

Dah findet mer immer öpper

Wo simpatisch isch

I denä Gruppä häzz immer simpatischi Lüht

Es isch ja aunid für ali

Es isch imämä gwüssä Priissegmänt

Mer fintt immer öpper

Wo öppis z verzellä hätt

Es isch immer interessant

si hebid ales zueggäh

di verücktischte Verbräche
womer sihch gahr nid hebi chöne vohrstelle
und si hebid s Gricht pätte
d Todesstrahf uhszschpräche
und er hebi dänn nach langem Nachdänke
und nid ohni Hämmige
dem Wunsch entschproche  

 

Esisch

Widderöppispassiärt
Wohöchscht
Beunnruhigendisch
Schtärbeglöggli
Hebiglühtet

Sisegid

Ufnöiseeland

Gowanderä

werumm tuet

si soh

wie wännsis

nid märke würdi

märkttsis

würkkli nid

oder märkttsis

und ischsi

so gschiid

dassi soh tuet

wie wännsis

nid märke würdi

ischsi

so gschiid

wännsi so gschiid wär

dänn wärs zimmli

unbegrihflich

dänn wärs unnbegrihflich

es unnbegrihfflichs

Wunder wärs dänn

Dännsägedmerhalt

Essegi iezzesoh
Merchönid
Nidanderscht

öbsis

überhauppt
märke
chöni
dahs mösimer
sich natührli
au frähge
är glaubi
dahs sis
märke chönnti
dahs mösimer
doch märke
aber vilicht
tühschi är sich
mer chönis möglicherwiis
nid märke oder
wämmers märki
dänn chönimer
dahs womer märki
nid verstah
oder faltsch verstah
vilicht verstöchi
sih ales ganz faltsch
warrschinndli

Ersegi

Machtlohs

Erchöni

Nühtmachä

Essegi

Uhssichtslos

 

är hebi iezz

e Zittatsammlig aagleit

är sammli Zittat

är hebi scho bald tuusig zäme

es segid alles Zittat

vo grosse Filosofe

und Tichter und Tänker

und suschtige Geischtesgröhsse

es segid ales Sache

wo beihdruckend segid

är hebi si gsammlet

umm beihdrucke zchöne

är liidi seer drunder

dasär nid so zur Gältig chöni cho

i gwüsse Sittuazzione

är wetti gärn chöne überrasche

mit suppergschiide Wändige

är wetti gärn chöne fessle

mit geischtriiche Bemärrkige

är hebi immer s Gfühl

dasär seer uninteressantt segi

derbi segi är warrschinnli

eine vo de Interessantischte

aber es gebi niämärt

wo dahs märki

au diä

für diä

ali diä Zittaht

beschtimmt segi

märkis nid

oder tögi soh

wie wänn sis

nid märke würdi