är glaubi das hütt nühtme chöni entschtah

währauimmer chömm chöni sich nid entwickle

chöni nihd prucht wärde en Bismarck chiemi vergäbe

en Lehnihn oder en Schtahlihn giengid sofort zgrund

und au en Hittler würdi i siner Halbwält bliibe

au eifacheri Talent chönid iren Wähg niä finde

si wärdid scho i irer Entschtehig verhinderet

so segi öisi Ziiht aber vilicht änderid sich ja

d Ziihte wider und dänn chömid wider schtärchschti

und fürchterlichschti Figuhre imm Filmm chönimers

ja scho hütt gseh vilicht schpringi esone Filmfiguhr

emahl is Läbe übere vilicht gebis nöji Verhelltniss

und dänn entdecki wideremahl e völlig lähri und

unbedühtendi Exisxhtänz dassi d Wält schöni knätte

und kwätsche ganz wesire passi und dänn wärdi si

dahs mache es segi allerdings unnwarrschinnli

är glaubis nihd diä Figuhr mössti ja di ungghührschte

Widerschtänd überwinde öisi Wält segi voll vo de

ungghürschte Widerschtänd a denä jede scheiteri

au wäner sihch i de hinderschte Winckel vo de ärde

wühr zruggziä wür nüht us imm es segi übrigens

nid nur ide Politihk soh es segi au i de Kunscht soh

es segi i de Litteratuhr soh und i de Filosofih

und sogahr au i de Wüsseschaffte voralem i de

Geischteswüsseschaffte deht segis ganz veruckt

es chöni nüht Grohsses me gäh dahs gsechimer au bi imm

är segi au esonen Verunnglückte esonen Verunnmöglichte

är segi au esonen arme Tühfel esonen völlig überflüssige

 

diä hebid
vo Tuhte und Blase
kei Ahnig

 

hütt heber vomene Fluggzühgappschturzz tröimt

oder besser vonere Nohtlandig är segi i demm Fluggzühg

ine gsih es riihsigs segis gsih en Tschumbo und är hebi

ales durs Feischter gseh zmizzt imene Wohngebiät segis gsih

Hühser und Schtrahsse segid immer nähcher choh und am

Feischter vebihgflizzt d Landig segi aber we dures Wunnder

glücklich verloffe de Tschumbo segi praktisch unnbeschädiget

zum Schtillschand choh di grohss Nase grad under ärä

Autobahnbrugg und si hebid nidemahl möse über d Nothrutschbahn

aberutsche si hebid direkt über e Böschig chöne in e Sidlig

ine lauffe zwüschet Wohnblöck hebis Chinderschpihlplätz ghah

und en chliine Fluss si segid zerscht nachli grännt

willme ine gseit hebi s Fluggzühg chönnti na explodiärä

aber es segi nid explodiärt und ali segid wider zruggchoh

und ums Fluggzühg umegschtande und näbetzue hebis e Filiahle

ghah vom Cohp und diä segi äxtrah über de Mittahg offeplibe

damit sihch diä vile Passaschiär hebid chöne verpfläge

si segid dänn nachli umeschpazziärt und me hebi ine gseit

si selid am zwei wider bimm Fluggzühg sih me bereitis vohr

füren nöie Schtart am zwei seger aber na uf ere chline

Terasse imene Kafi gsässe und vili vo sine Sache segid

na veschtröit umegläge oder na im Kafi ine imene Zimmer gsih

und er segi zimmli in Schtress grahte wiler unnmögli hebi chöne

peraht sih und dänn seger na underbroche und appglänkkt worde

vonere Frau wo scho e chli elter gsih segi aber na en schöhne

Körpper ghah hebi diä Frau segi nämmli nacktig gsih und segi

nacktig vor irem Begleiter gschtande wo amene Tischli gsässe-n-isch

und mitt ire grett hebi und ire gseit hebi dasers na weli

mittere andere Frau probiärä ere sehr e junge und diä Nacktige

hebi sich träiht und uhfreizend bewegt und gseit dahs schtöhri

si nihd psunders dahs segi ire au rächti si hebi zwahr kei

Erfahrig mittere Frau aber si probiäris gärn au emahl si wüssi

nattürli nihd wes usechömi aber probiärä tögisihs gärnemahl

 

en Hunderter
heber na
bisich gha
öiro
dahs langi sicher
heber tänkt

 

unnttwältt

bewegisich

so chaohtisch

dasali immer

chönid Hoffnige hah

bis zum lettschte Momänt

 

aber
wohär
weiss är
dahs 

 

si griifid nanig ih

si wartid na es segid

na kei Schtüzzixchöif

nöhtig aber si hebid

Miliarrde peraht nid

nur für Schtüzzixchöif

au für anderi Nohtfäll

bi de Banke chönntis

na Nohtfäll gäh es chönntid

Banke i Schwirigkeite grahte

unttänn mösstezi ihgriife

um Zalixfähigkeit vo dene Banke

uhfrächzerhalte es segi dahs

im Interässe vo allne

d Banke segid hütt Heitechundernäme

diä chönid plözzli i Schwirigkeite grahte

diä chönis verjage

vo eim Tahg uf de ander

 

isches schlimm

jasischschlimm

 

als Biolohg

segis eifach

übert Brüder Karamasow

zumene Uhrteil z choh

es göngi immer nur um eis

um pahrixbereiti Männdli

und um pahrixbereiti Wiihbli

wo umeränid und umefahrid und trinkkid

und bättid und schrejid und sihch besudlid

und bi all demm gebis e grohssi Verschärffig

willsi dere Uhfregig Liäbi sägid

unzzi soh mittere Bedühtig

erfüllid wosi nid hebi

werumm

ischales

wossgitt

sottumm

er gsechi

sehr chrank uhs

sehr chrank

 

Was isch ächt
Usem Haschimotto worde
Usem Tüäträrich-Haschimotto
Usem Gälltru-Haschimotto
Usem Altar-Haschimoto

 

De welet hämmer hütt
Hämmer hütt de Zäht
Odder hämmer de Nünnt
Odder scho de Elft

 

är wär gärn
Kardinaal
und wühr gärn
immer a de Wienacht
Interiu gäh
und uf ali Frahge Antworte gäh
und Bibelstelle zitiere
und übers Böse rede
wos uf dere Wält gitt
und über gschiids Züg
wo de Romano Guardini
gseit hätt

es segi

zum chozze

är chozzi

iezz dänn

öppsi nid

au märki

dases sone

chözzeligi

Stimmig seg

es segi

so richtig

chözzelig

dahs heber

früener gärn

gseit aber

s hebi nüht

gnüzzt es hebi

niämärt gchozzet

und är au nihd

es segi nüht

passiärt

es segid

imm Gägeteil

ali immer

frünttlich gsih

und soh reger

sich hütt

nüme so uhf

und beuhrteili

diä Zueschtänd

milder aber

zum chozze

wäris eigettli

gliich na

 

mer setti nid immer nur lache

und sich luschtig mache drüber

und ales ironisiäre es isch

nämmli öppis ärnschz öppis

üsserscht ärnschz es göngi

gwüssermasse um Sein oder Nichtsein

 

we ischsi ächt
uff diä Idee choh

 

es chönnti

ales ganz

anderscht sih

es segi ales

en Rihsezuefall

dases soh segi

dasär zum Bischpihl

dah segi i derä Funkziohn

under dene Läbesummschtänd

segi e unnghüri Folg vo unnghüre Zuefäll

är segi iezzt ebä i diä Umschtänd

inekwätscht worde und mösi sich

i denä Umschtänd zrächtfinde

und sich bewähre so we sich

anderi i de verücktischte andere Verhelltnis

mösid bewähre als Polahrforscher oder

Matrohs imene Underseeboot oder als

Bibliothekahr oder Jurnalischt

är chönnti viles sih

aber er seg froh daser das chön sih woner seg

er wüssi nihd öbers wühr uhshalte

wäner öppis anders wär

und was für de einzelne gältti

dahs gältti au für es Volk oder füres Land

au dah chönnti ales ganz anderscht sih

und mer mös froh sih dases soh seg wes isch

es chönnti na vill schlimmer sih

und es isch es Wunnder dases nid schlimmer isch

hütt hegis imm tröimt daser im Wilde Weschte verhaftet worde segi

mer hebi inn ufere tüppische Wildweschtbahnschtaziohn

inen tüppische Wildweschtgfängnisswage ine gsezzt

hebi aber nid appbschlosse sodaser wo de Zuhg langsam ahgfahre segi

echli usserhalb vo de Schtaziohn hebi chöne usegumppe

und sich grad hebi chöne imene Meisfäld verschtecke

mer hebi aber gliich öppis gmärkt

und Kawallerih uhsgschickt und inn ahgfange sueche

er hebi wenig Schansse gah wäggzchoh es hebi überahl

nur freis Fäld ghah aber dänn hebid inn Lüht gseh

vomene Zirkus wo grad ihtroffe segi und am Rand

vo demm Meisfäld ahgfange hebi sini Zält uhfschtelle

diä Lüht hebid na Hilfsarbeiter gsuecht

und hebid imm gwunke er seli choh

es segi en chinehsische Zirkuss gsih

und ali hebid wihti wihssi chinehsischi Gwänder ahghah

und au är hebi möse settigi chinehsischi Gwänder ahlegge

und si hebid inn sogahr echli gschminkkt

und soh segis völlig unnmöglich gsih inn z finde  

 

är hetti fascht glueget

är hebi wele luege

wass füre Fassigschrafft

vorhande segi

was füres Fassixvermöge

es chömi ja nur uf dahs ah

es segi ales nur e Frahg

vomm Woluhme je gröhsser

s Woluhme deschto besser

segis deschto höcheri

Läbesschanse segid vorhande 

Frau hebid im Sozzialismus
bessere Sex
heber gläse
hätter gseit
mer mössti das aber na gnauer undersueche
es hebi ja sehr verschideni Sozialisme gäh

In paradisum deducant te angeli,
in tuo adventu suscipiant te martyres
et perducant te in civitatem sanctam Jerusalem
corus angelorum te suscipiat
et cum Lazaro quondam paupere
eternam habeas requiem.

er hätt jetzt efeimal ales wele regle
bezüglich siner Bärdigung
er häzz nid wele drufabchoh lah
dasen Blödsinn passiert
er hätt beschtimmt
dasmer en Organischt und Sänger
us Italie choh laht
im Jutub hätter däh entdeckt
en ticke junge Ma imene Tiischürt
dä mösimer choh lah
ganz glich wases choscht
und woner grad isch
dä sölls Requiem spile und singe
mit sinere tüfe wunderbare Schtimm
wo so schön isch
dasmer grad glaubt
dases Ängeli gitt
wonin in Himmel ufe träged
in paradisum
und dasen deht Märtirer empfanged
und en Engelschor wansinig schön singt
wunderbarer rüerender
als ales was je uf de Ärde
gsunge worde isch

Chömed ihr Heilige
hälfed ihr Ängel
gschwind
nämed sini Seel uhf
und bringezi
vor Ahgsicht vom Höchschte

Wämmer au
Chömmer au
Seledmer au
Luegedmer au
Chömedmer au
Wärdedmer au
Machedmer au

 

Versammlige segid sälte öppis Guez

me versammli sihch i de Regel uss Bohsheit

elei hebimer zwenig Muet dezue dah schämimer sihch

aber mit andere zäme dah segis mängmahl richtig schpannend

bi Versammlige göngis nämmli letschtlich immer um öppis

ärnschz umes Urrteil oder ume Uhfhebig vomene Urrteil

oder au ume Appgränzig und e Uhsschtohssig oder

ume Verteilig vo öppis Gschtolnigem oder umen

Plahn vonere Verteilig vo öppis womer weli

schtäle mängmahl tögimer au fromm und

bätti aber was bätti mer dänn mer bätti

das eim öppis ggäh wärdi mer bätti daseim öppis

vergäh wärdi daseim vergäh wärdi dasmer öppis gschtole

hebi mer bätti dasmer richtig läbi und immer schöhn brahv bliibi

und soh inn Himmel chömi mer tärfi sihch über esonere Bätterei

kei Illusiohne mache är göngi scho lang nüme a Versammlige

glaubezi dass Gott loset
wännsi bättid
untass Gott dänn überleit
waser seli undernäh
öber seli hälfe
oder öpps besser isch
wäner nid hilft

und anere Bärdigung settimer sich doch
öppis Schöns chöne vorstelle
und nid eifach irgenden Blödsinn

 

öpper segi iezzt grettet
nämli de alt Bärli
wonen sis ganz Läbe lang
begleitet hätt
für dä gebrächlich alte Bärli
wo sitt langem käs Fäll me hätt
hätter e Lösig gfunde
sis Änkelchind
wo iezz dänn bald sächsi wird
hätt gseit es nemi inn zu siich
wäner gschtorbe segi
iezz chöner ruhiger schtärbe

wämer uhsstiiged
tuesch du mal ufem Äpp luege
wos duregaht

Er segi nid unglücklich
daser deht gsih segi
er segi immer froh
wäner grossi Tummheite ghöri
dänn läber förmlich uhf

 

es segi erwise

 

das Lüht mitteme tühfe Glaube

 

gsünder segid als Lüht wo nüht glaubid

 

däh tühfe Glaube mösi nid unbedingt

 

en Glaube anen Gott si es chöni

 

au en Glaube anen Mänsch sih

 

mer chöni ja au en Mänsch

 

liäbe und verehre

 

wenen Gott

 

öb mer

 

öpperem

 

eifach so säge

 

tärfi daser es Wunnder segi

 

oder öb mer dahs nid säge tärfi

 

är glaubi dasmers ehner nid säge setti

 

wills däh demm mers seit under

 

Umschtänd deschtabilisiärt

 

är chöni beliebig vill

 

Bihschpihl uhfzelle

 

wodahs passiert

 

segi

 

merrsettidhöre
chöndabernihd

 

sächshundertzäh Siite
foifhundertdrüesächzg Siite
tuusigundzwölf Siite

 

 

werum hänzzi ächt
ali so de Gagg die Hose
adene Elittehochschuele
settez doch gschiid sih
und muetig und uhfrichtig
und de Wahrheit verpflichtet
und nid de Verlogeheit
und nid de Feigheit