er hebi si früener kännt
deht segi si na ganz normal gsi

so we mir ali normal sind

iezz aber hebi si sich verwandlet

iezz segi si Scheffin vo de Abnormale

und hebi sich ahpasst

und segi sälber abnormal

obs ire ächt wohl isch debi

das fräger sich mängmal  

 

mängmal tänker au
er segi vilicht echli z negativ

aber dänn tänker au widder

er segi zwenig negativ

mer chöni doch gar nid

negativ gnueg sih

under dene Lüth

i demm Nidergang
i demm Undergang 

 

mer settid
mittem Makrobius

vorwärts mache

iezz hämmeren

scho drej Wuche uhsglehnt

und sind erscht

uff de Siite achzäh    

 

 

lueg iezz
iezz laufter

deht vorne

hoffentlich

gsehmeren

bald nüme

hoffentlich

gsehmeren

iezz niämee

hoffentlich

verschwinnter

 

iezz muesi
na duretänke
was sel ichaufe

 

amimm Geburztag
gani mit mine Eltere

is Chlöschterli go ässe

weisch was deht s Beschte isch

- Ängussbiif