er hebi si früener kännt
deht segi si na ganz normal gsi

so we mir ali normal sind

iezz aber hebi si sich verwandlet

iezz segi si Scheffin vo de Abnormale

und hebi sich ahpasst

und segi sälber abnormal

obs ire ächt wohl isch debi

das fräger sich mängmal  

 

mängmal tänker au
er segi vilicht echli z negativ

aber dänn tänker au widder

er segi zwenig negativ

mer chöni doch gar nid

negativ gnueg sih

under dene Lüth

i demm Nidergang
i demm Undergang 

 

 

Simmir
Gömmir

Lömmir

Wämmir

Mömmir

Tömmir      

 löprobläm
oodebüt
etäggö
illetät  

 

 

es segi warrschindli
falsch gloffe
kohmisch

es segi ales

völlig übertribä gsih

er hebi eifach

en enorme Nachholbedarf ghah

hebi möse nahole

waser so ungfähr

acht Jahr lang verpasst hebi

er hebi viles nid erläppt ghah

und hebis iezz na wele erläbe

sovill mögli

aber immer na

hätter gmeint

er verpassi viles

immer
meiner
dahs