alles in allem

heber Glück gha

alli sini Eigeschaffte

so negativ si zum Teil segid

hebid imm immer Nutze pracht

oder inn vor Fäler bhüetet
Fäler wäred immer möglich gsi

villicht heber tatsächlich en Schutzängel  

 

er hebi mit de meischte Mänsche
niä vill ahfange chöne

er hebi aber immer versuecht

früntlich z bliibe

segi sogar würklich früntlich gsih

aber irgendwiä händ doch ali gmärkt

daser froh isch

wäner si los isch

und nüttme vonene ghört

und so heber ebä au fascht niä

Fründe gha oder Fründinne

er hebi versuecht si zbhalte

mängmahl segem das glunge

so für e paar Monet oder sogar Jahr

dänn aber segis plözzlich färtig gsih

er hebi gar nüt chöne mache

nur schtuune heber chöne

irgendöppis gebis an imm oder inimm

was appschtossi

er wüssi nid was     

 

mängmahl tänki är es gebi gahr nüht z säge

und jede wo öppis sägi segi en Idiott

und är segi nattührli au en Idiott wänner tichti

tichte heissi immer en Seich zämeztichte

es segi niä öppis anders wämers iezz nid märki

dänn märkimers i drei Jahr oder i fünfzzg Jahr

und schämi sich dänn dasmers nid gmärckt hebi

und dasali Jahrzähtelang ein Seich gläse hebid

mängmahl tänki är dases nur eis gebi degäge

nämmli schtile z sih und sihch nüme z mälde

aber au dah gebi eim d Natuhr de Rahme es gebi settig

wo sihch mösid mälde kohmischi Vögel wos dänn hühfig

gahr nid guet göngi s Volk reagieri ja zimmli nervöhs

wänn eine chömi und ine weli predige aber es gebi au

anderi es gebi settig dereniri Beschtimmig segis

schtile z sih dahs gebi dänn mangmahl e zauberhafti

Würkig und mer tänki diä Schtille segid di Gschihde

und diä Schtille segid di wunderbahrschte Männsche

aber soh sicher segi dahs nihd di Schtille chönid eim

au enttühsche und segid womögli au ummöglichi Siäche

aber dahs segi ja hühfig nid sofort z erchäne und soh

chönimer immer gwüssi Hoffnige ha wämersi gsechi

er hebi eifach inen Topf ine brünzlet

wo im Egge gschtande segi und segi drufabe

vom Wihrt zimmli unsannft usegschosse worde

uf de Schtrahs aber hebi er ganz schaurig

ahfange flueche und hebi di wüeschtischte

Gottesläschterige uhsgschtohsse ali hebid

sihch gwunderet wenen sonen chlihne Mah

so schrecklichi Flüech chön vo sihch gäh

am Schluss heber na grüeft de Tühfel seli inn

doch cho hole de Tüfel seli nur choh nimmi

hätter grüeft nimmidoch es segi es Riihsetheater gsih

bismeren schliessli appgfüehrt hebi er segi na

vor Gricht choh Hans Heinzen heber gheisse

und er segi de Pfyffer gsih vo Appezäll

 

was hilfts imm
wännsi imm seit
si liäbi inn heiss
was nüzzt imm dahs
was chaner demit ahfange
es wär schön
wäner öppis demit chönnt ahfange
aber das gaht uff känn Fall
das isch völlig ummögli   

 

 

es gebi hütt
kei schöni Handschrifte me

es hebid di wenigschte

überhaupt na e läsbari Handschrift

und so bewegimer sich

uf e Schtufe zue

zwüschet Mänsch und Aff    

 

geischtig
segizi ali
optachlos