De Oberlütnant zur See Robert Ramm
hätt nüme lang gläppt
nurrna acht Tag
am Samschtig de achzät Oktober
nünzähunertachzä
hätt mer i de Nordsee
Explosione vo Miine ghört
föifezwänzg Meile nordnordoscht
vo Muckl Flugge
bi de Orknej Insle
und eini vo dene Miine hät sis Uboot
zum Sinke bracht
sini Hölemaschine
s mues en furchpare Tod gsi sih
idemm sinkende Schtahlsarg
für inn und sini füfedrissg Kamerade
hätt sich ächt de Tüfel gfröit
er isch verhüratet gsi
und hätt e Frau gha und zwei chliini Chind

 

 

Was hätter ächt tänkt
i sine lettschte Minute
i sim sinkende Schtahlsarg
hätter tänkt
sis Läbe heb en Sinn ghah
sin Isatz
heb sich glohnt

 

 

ales vollinder
gschtossevoll
mittinder

 

vilicht
segi sis letschte Wohrt
ufem Schtärbebett
emahl Jasmin
odder vilicht au Roosmarih
haarschträubend wär das
sehr belaschtend
für di Ahghörige
aber es Schtärbebett
gebis bi imm ja sicher nihd

si wärid woll am wöhlschte

in Schanghei wännsi chönntid

mit sächzä Milliohne Lüht

i einere Schtatt wone

dänn wärs ine wohl

inere Gloubahl Sitti

ahgschlosse amm Dahte Haiwej

läbe inere Schtatt wo ali schpined

dahs wettiz deht würdiz nid uhffalle

dah ide Schwiiz fallizi nattürli na uhf

und erschtna zimmli unnahgnehm

zweituusig Hochhühser gebis in Schanghei

und si segid bis zu drejhundertt Mehter höch

und mer riissi ales app ali allte Schtrukktuhre

ales verschwinntt di allte zweistöckige

zämeboute Hüüser di hischtohrische Longtang

mösid wägg und en unngghühre Heitechpahrck

setti entschtah de gröhscht vo de Wällt

mitt Heitechmännsche wosich nurrna

mitt Finanzfrahge befassid i Finanztürmm ine

Pudong heisst dahs wo entschtaht und isch

gröhsser als Parihs so wemer z Schanghei

ales abrihsst so settimer au i de Schwiiz

ales abrihsse di ganzz Schwiiz und vilicht

auna Pahris dezue und ganzz Frankriich