mängisch

chunzzdänn
anderscht     

 

 

am Morge töger bätte

los zue oh Härr

los guet zue

i wotter öppis säge

minn Härr und minn Gott

luht rüeffi zu dihr

dihch tueni rüeffe

immer wirsch mi ghöre

jede Morge jede Morge

bringi dihr es Opfer

und luege zu dihr

dänn du gfallschmer

du bisch känn Gott

wos Unnrächt gärn hätt

känn Böhse tärf dihr

itt Nähchi choh

Unnbehärrschti wotsch du

nid gseh und ali

übeltähter hassisch duh

du vernichtisch ali

wo lühged du schtossisch

ali wägg wo voll sind

vo Lühge und Bluet

ich aber tärf

dis Huhs beträtte

ich aber tärf

mich vor dihr nidderwärffe

uf de Bode ligge

idimm heilige Tämppel

o wiä böhs sind mini Finde

sägmer wasi cha mache

hilfmer gäge sih

si sind so verdorbe

so verlotteret und

immer hänz s Muuhl offe

sisch wenes offnix Grahb

und glatti Rehde lönz use

und iri Zungene sind

immer i Bewegig

si seled dahs büässe

oh Härr lass sis büässe

schtürchle selläz

ummgheie sihch fange

i de eigne Fale

verschtohss si

jagg si wägg

vergiss nihd

wassi gmacht händ

wassi gseit händ gäge dihch

nimms und vertrucks

 chadas sii
dasi iezzscho
drüüschtund
wachbinn 

 elf Büecher hebiz
i de Buechhandlig abgsetzt
zäh heber sälber kauft
er wetti nur wüsse
wär das elfti kauft hätt 

 es göngi
vilicht
iezz dänn
doch emahl
am änd zue
es höri
iezz dänn
sicher
uuf