öb är dänn nurr

uss de Nähchi

en Gott segi

und nid au

en Gott

uss de Fährni

 

 

Er segi imene Alter
Woner viles nüme verschtöchi
Er frähgi sich nurrna
Wedas möglich isch
Dases das alles mues gäh

 

Tü ä trä rische
heber zu ire gseit
häzzi verzellt

tü ä trä rische

heber gseit

fascht echli verschrokke

seger gsih

wosi imm iren Buhse zeiget hebi

er segi sihch dahs nid gwönnt gsi

sone Gröhssi

gahr nid

als Japahner

er hebi aber baldemahl

e Rihsefröid gha

dahs eine esone Fröid chönnti hah

hezzi niäh tänkt

 

 

es segi gliich
wänns niämärt verstöchi
es segi gliich
wänns niämärt verschtah weli
es segi appsoluht gliich

 

iezz göngizi ine
iezz göngizi ufe

 

achzä
merchömedufachzä
aberäs schtimmt
warrschindlinihd
warrschindli
sinzznameeh

 

diälüht chönidali
nidreisä
diälüht chönidali
niämals ittschwiizchoh
oddeerwännsichömid
dännchömizzals proschtituiärti
öbdahsöppä guätsegi
undöbnidüberhaupptau
aliworeisid
alls proschtituiärti reisid   

er hetti niä
chöne Profässer werde
wäge de Schtudäntinne
nidemal Assischtänt
au d Assischtänte
hebid niä chöne sicher si
mängmahl hebi au eini
es Aug ufen Assischtänt gworfe
wänns bim Profässer
nid glanget hebi

 

ärchönntisichvohrstellä
dasdämanimatter
vonärä abgrundtüfä
verzwiiflig erfüllt gsi isch

 

 

vililangwiilezzich
abärwännsisich zfeschtlangwiiled
dännlegäzäplattänuuf
vommanimatter

d Schamahme

machid Himelsreise

und schtelid

di verlohrene Wältharmonih

wider här

si händ Hilfsgeischter

wo Tiergschtalt händ

und vili Wüsseschaffter

haltid d Schamahne

für geischteschranck

und redid vonere arktische Hischterih

wo vo de schwähre Läbesbedingige

härchunnt vomm Schmärz und vomm Leid

 

er segi

echli es Monschtrumm

er chöni

i de schwirigschte

Sittuazziohne läbe

es töhdi inn nihd

aber öpper ander

däh chönnti debih

scho übereschnappe

 

er wetti nihd
dass sich diä
Protäschte
uhswiited        

 

ganzamafang
hänzz de Flaggo Chimenez gseh
mittere Handorgle
mexikanisches Züüg
dänn isch de Rei Kuuder cho
mittem David Lindley
e Schtund lang hännz zäme
gschpillt und gsunge
ganz wunderbar
si sind ine aber schpäter
ganz chlii vorchoh
wosdänn losggange isch
ganz unerwartet
de Saal ischna läär gsi
häzzich aber schlagartig gfüllt
wo de Himmelsbewoner erschine isch
und ali verwandlet hätt

 

für inn segi dahs

sonen Horohr

däh Verfall

aber anderne

gfallis

anderne chönis

nid schnäll gnueg gah

anderi hassid

ales Höchere

ales Schwirigere

es schtöhri si

wänn sich eine

echli gwählt uhsdrucki

 er hebi
Tschöhnheitt
troffe
er segi
de Schöhnheit
begegnet
und zwahr
de echte
de grohsse
de sälltene
es segi verruckt 

ER hätt gseit
Es wärdi Liächt
Und es hätt Liächt gäh
ER hätt gseit
Es wärdi Schlagzüüg
Und es isch Schlagzüüg worde
ER hätt geseit
Es wärdi Gittare
Und es isch Gittare worde
ER hätt gseit
Es wärdi luuht
Und es isch luuht worde   

 

de Willhantäll

was würer ächt säge

wäner wider chiem

was würer mache

wäner vo simm Dänkmahl

würdi abeschtihge

würer ächt säge

dasär gahr niä gläppt hebi

würer sich ächt entschuldige

daser dah isch würer ächt

öisi Hischtohriker go bsueche

i irrne Expärttekomissiohne

würer ächt öppis wilz rüefe

und d Ahrmbruscht schwänke

und d Pfihle us de Bruschttäsche näh

wärer ächt echli enttrüschtet

würer sich angaschiärä

würer e Schtifftig gründe

würer sich ahpasse

oder wärer ächt nid ahpassigsfähig

würer sich nid zrächtfinde

wärer enzzezzt wär imm

dahs ales en Horrohr

würer Gschicht wele nöi schriibe

wärer ächt i de Opposizziohn

oder wärer ebä grad nid

bi de Opposizziohn

würers märcke

würer duregseh

oder würer nid duregseh

und zum Färnseh gah und it Färie

ines Luxusshottel z Paris

oder in Saudiarabieh

oder würer en Undergrundarmeh gründe

mit Fanttasihuniforrme wahs hetter ächt

füren Inteligänzkwozziänt

chönnter nur got Schtrahsse wüsche

und nur Biär suufe

würer sich ächt für d Schwiizergschicht

interessiärä oder würer säge

dahs segi doch ales Blöhdsinn

würer säge daser nid vo sim Sockel

abegschtige wär wäner gwüsst hetti

daser sovill tummi Siäche würd ahträffe

wärer liäber wider i simm Tohteschlaaf

würer säge iezz seger sowiit

daser sogahr de Tälleschuss beröii

är hebi nid dahs erreicht

wo hetti sele erreicht wärde

es segi öppis ganz anders entschtande

öppis völlig Verruckz

är lachi wänär dahs gsechi

är de Willhantäll

aber es lüchti imm ih

was da gseit wärdi

es segid nid eifach

konserwatifi Spinner

es segid Lüht

die verdammt vill

vomm Läbe verstöchid

 mer wüssez nihd

das wüssedmer ales nihd

mer wüssed nüht   

 

es isch ales nizzoh
we mir glauppt händ
mer händ öis girrt
es isch ales
ganz anderscht   

es segid doch ales

nurrna Operätteschtahte

mit Operätteregierige

und Operätteparlamänt

dah tärfi mer sihch nid la tühsche

dahs hebi ales undereme höchere Gsichtspunckt

kei Eggsischtänzberächtigung me

aber sonen höchere Gsichtspunkt

hebi ebä niämärt und soh bliibis soh wes segi

es hebi ja sicher sini gheimi ökonomih

und segi ales in alem gahr nid so schlächt

mer mösi ja froh sih

dasmer nanig underggange segi

und dases schiini dasmer au na lang nihd

undergöng es segi ales zimmli schtabihl

au wänn niämärt wüssi wisoh

au diä wos mösstid wüsse wüssiz nihd

diä wos mösstid wüsse segid ali au iifrig

bi derä Operätte debih

als Operättewüsseschaffter

als Operätteschtahtsrächtler

und Operättepolitolohge

wär s Unglück hätt und Politolohg wärdi

däh wärdi Operättepolitolohg

iezz muesch du use
esisch
Nachto Nachto

 

 

Da hämmers ja widder
Da wirtz öis widder gseit

 

jegerli
jegerli

das Wohrt Seel

wo doch uf tühtsch

e chli lächerlich töni

den meine Seele sucht

dahs chönimer doch

nid so rächt säge

das Wohrt Seel

heissi uf hebrähisch

Atemm hefftige Atemm oder

au na diräckter Kehle

dä Geliäbti wärdi also

eigettli chüüchend gsuecht

di Liebendi chüüchi vor Liebi

und dä Geliäbti wärdi

verschlunge wänner

gfunde wärdi

 

Voorzimmer
häzzi grüeft
si chönid doch nid eewig
imm Voorzimmer hocke
si mösid doch wiiter
si welid wiiter     

er segi dä einzig,

heber grüeft,

am Telifon,

am Morge am zwei,

er segi dä einzig,

wo d Wält

na rette chöni

neinei hebi är dänn gseit,

so schlimm isches nöd

 

dahs wärdi gschezzt

hätter gseit

dahs wärdi gschezzt

aber vo wemm eigenttli

und werum

schezzt mers nur

willmer froh isch

dases e settig Tuble gitt

wo bliibed und schaffed

und entbehred

und dulded

wär schezzts

schezzts de Fürscht

oder de Hofprediger

oder de Oberschtallmeischter

oder di gnädige Fraue

wo immer bimm Throhn zue schtönd

und schezzezes würkli

oder schezzezes nur

wills ine nüzzt

will sih vo alle dene läbed

und we schtahts mit öis

schezzez dänn mir würkli

meined mir dänn was mer dah säged

es schezzts niämert würkli

das isch so guet we sicher

und doch bliibed mer

und halted fescht

und dulded und entbehred

und tönd derbih soh

we wämmer feschthalte würdid

und dulde würdid

und entbehre würdid

es isches zimmlichs Rähtzel

sisch
auwäg
änizzo
eifach   

er chöni

viles nid verstah

er chöni zum Bihschpihl

nid verschtah

wies gwüssi Mänsche

gäh chönn Mänsche wo

schtundelang mitenand

chönid schwäzze

und nid ufhöre chönid

si hebid aber

käs richtigs Gschpräch

sondern si füerid Monolohge

es redi de einti

föif Minuhte lang

und es redi de ander

au e halbi Ewigkeit

mer hebi nid s Gfühl

dass si enand zuelosid

är glaubi es chömi

vom Wiih si trinkid nämmli

schtändig Wiih mer gsechi si

niä oni es Glas i de Hand

Gönd!
Hätter grüeft,
Nämed!
Sind!     

 

 

was flüsst da
ales us de Schwiiz
es hörtt nid uhf
flüsst Tag und Nacht
ä gwaltigti Abflussmängi
mängmal über tuusig Kubikmeter
sovill

wohär chunnz

wohih gahz

isch dahs nid irgendwiä gfährli

settedmer das Wasser nid bhalte

au das vo de Rohne,
vom Titschino

und vom Inn

 

 

wasischloos
mittöi
wechäsöigäh

 

An K.M.

 

es segi sältsamm

er wüssi immerna

wo si gwonnt hebi

er wüssi auna

wener erschtuunt gsi segi

erschtuunt und beschtürzt

woner si emal gseh hebi

wesi en Schuelkamerad

käne useme guete Huus

uf sim Velo heigfahre hebi

si segi vor imm gsässe

uf de Schtange

und er hebi ihres Haar im Gsicht ghah

und emahl seger ja

woner si am Strasserand stah gseh hebi,

mittem Velo ine Abschrankig ine gfahre

d Schtrassearbeiter hebid

gfluechet we verruckt

es segi nämli en Fuessgängerschtreife

neu gmahlet worde und di gäle Farb

segi grusig verschmiert worde

si aber segi wiitergloffe

und är sofort wiitergfahre

si hebis woll vergässe

oder garnid gseh

sältsam segis gsih

dases immer allne suneklaar gsi isch

dass sii die Schönschte gsi segi

di Schönschte wiit und breit

und sältsam segis gsih

dases imm au immer suneklaar gsi segi

das sii für inn

völlig unzuegänglich gsi isch

er hätt niä gwaagt mittere zrede

und si hebi inn sicher garnid wahrgnoh

hätt das möse sih

odder hett das

au anderscht chöne gah

ganz anderscht

 

Sisch dänn lang ggangä

Bisers hätt chönä bewiise   

es segi kohmisch

är erinneri sich

mängmahl wenär früener

schwirigi Ziihte gha hebi

wenär i schwirige Verhelttnis gläpt hebi

es segi ganz bsunders kohmisch

und wenär mitt dene Verheltniss

jewiihls färtig worde segi

är segi mitt denä Verheltniss färtig worde

indem er si so vill we mögli innjoriert hebi

är segi sich dänn ganz normahl vorchoh

au wänn inn anderi als scho rächt sälttsamm

als echli beschränkkt als kohmisch

als imene gwüsse Sinn unnbruchbahr

ahgluegt hebid voralem Fraue

bi Fraue segi dahs vorchoh

die hebid dahs

mitteme gwüsse Beduuhre

feschtgstellt

es segi kohmisch

aber hütt glaubi är

dasär sich doch verbesseret hebi

hütt schiinis imm

dasär wesenttlich besser drah segi

aber iezz grahd hebi är wider tänkt

dass dahs vilicht doch nid stimmi

es stimmi vilicht überhaupt nihd

und är segi komischer als jeh

mer märkis nur nid

will mit ale andere

au nüht me ahzfange isch

es segi

es segi
es segi
es segi en Blöhdsinn
es segi en Schwachsinn

unntoch
unntoch
unntoch 

 

werum

gebisinn

werum

läbisonen

mänsch 

är ziei

sich iez dänn

vo alem zrugg

und verchehri

nurrna mit ganz

wenige aber deführ

universahl pildete Phersohne

das heissi eigettli konkreht

nurrna mit ire

dahs langi im völlig

dahs segi meh als gnueg

dahs überstiigi ja ales

was a Uhstuhsch mögli segi

 

mersind

schwäär

ammschtudiärä

 

 

deht wonnt öpper

miich nimmt wunder

währ deht wonnt

iezz isch s Feischter

plözzli widder zue

iezz hani nidgseh

wärs Feischter zuegmacht hätt

lueg iezzt wär deht chunnt

däh det mizzim Köfferli

was hätterächt drinn

s gseeht nid verdächtig uhs

unddiä Chineesin

odder ischesächt e Jappahneri

mittene Tierli am Rucksack

lueg we diä bambeled

wonntächtdeht e Huer

wonedächt Huere i demm Huus

ischächt sganz Huus voll vo Huere

me mössti ali fräge

wassi mached

und lueg däh uffsim Welo

wedäh schnäll fahrt

werumm fahrttächttäh so schnäll

amm Morgenamm nühni

villicht setter scho lang

anere Sizzig sih

 

 

wänernu
besser wüssti
waslos segi
es segi
vermuetlich
nidvill los

löschezliächt
löschezliächt

 

hilföis
rettöis
erlösöis
gibböis
machöis
lühchtöis
lücht

mängisch

chunzzdänn
anderscht     

 

 

am Morge töger bätte

los zue oh Härr

los guet zue

i wotter öppis säge

minn Härr und minn Gott

luht rüeffi zu dihr

dihch tueni rüeffe

immer wirsch mi ghöre

jede Morge jede Morge

bringi dihr es Opfer

und luege zu dihr

dänn du gfallschmer

du bisch känn Gott

wos Unnrächt gärn hätt

känn Böhse tärf dihr

itt Nähchi choh

Unnbehärrschti wotsch du

nid gseh und ali

übeltähter hassisch duh

du vernichtisch ali

wo lühged du schtossisch

ali wägg wo voll sind

vo Lühge und Bluet

ich aber tärf

dis Huhs beträtte

ich aber tärf

mich vor dihr nidderwärffe

uf de Bode ligge

idimm heilige Tämppel

o wiä böhs sind mini Finde

sägmer wasi cha mache

hilfmer gäge sih

si sind so verdorbe

so verlotteret und

immer hänz s Muuhl offe

sisch wenes offnix Grahb

und glatti Rehde lönz use

und iri Zungene sind

immer i Bewegig

si seled dahs büässe

oh Härr lass sis büässe

schtürchle selläz

ummgheie sihch fange

i de eigne Fale

verschtohss si

jagg si wägg

vergiss nihd

wassi gmacht händ

wassi gseit händ gäge dihch

nimms und vertrucks